Вистинска драма се случувала ноќеска на скопскиот аеродром откако аеродромскиот менаџмент добил информација за закана за бомба која предизвикала вознемирување на Петровец.
Бомбата според заканата која била примена повеќе од два часа по полноќ била поставена во авион кој што бил стациониран на пистата на Скопскиот аеродром.
Извори од аеродромот тврдат дека и покрај заканата воопшто не била крената паника ниту се случил хаос.
Менаџментот на аеродромот постапил согласно процедурите на МВР и воздухопловните власти и случајот не екалирал.
Заканата според изворите на expres.mk не предизвикала масовна евакуација на патници ниту одложување на летови.
Скопскиот аеродром е менаџиран од турската компанија ТАВ член на француската групација АДП која е една од водечките на светот.
Изворите на express.mk не откриваат кој ја упатил заканата за бомба која според МВР била лажна дојава.