Жена од Возарци (52) со автомобил удри во двајца мажи пред кафуле во Будинарци, а потоа физички нападна еден од нив.
Вчера во раните утрински часови (07.12.2025) во селото Будинарци, општина Берово, се случи сериозен инцидент во кој 52-годишната М.М. од Возарци, кавадаречко, со својот „хјундаи“ со штипски регистарски ознаки удри во двајца локални жители – Д.Г. (38) и Ѓ.Ч. (24) од соседното село Митрашинци. Двајцата мажи во моментот на судирот се наоѓале пред угостителски објект.
По судирот, М.М. излегла од возилото, со остар предмет се упатила кон Ѓ.Ч. и физички го нападнала Д.Г. Потоа, заедно со сопатникот кој бил со неа во автомобилот, го напуштила местото на настанот.
ОВР Берово ја примило пријавата и веднаш започнало со увид и собирање доказен материјал. Во тек се сите потребни мерки за целосно расчистување на случајот, вклучително утврдување на мотивот, степенот на повредите на двајцата мажи и евентуално присуство на алкохол или други супстанци кај учесниците во инцидентот