Македонија

Дрска провокација на Сила: Протестот во Скопје ќе се одржи со, или без поддршка од институциите на РСМ! – Не го поканивме Мицкоски да присуствува!

Дали потпретседателот на Организацијата на ветерани на УЧК од меѓународниот протекторат Косово Газменд Сила смета дека Република Македонија не е суверена држава, па си дозволува и тој и неговите содејци од нивната организација да организираат протест во држава, која нема никаква врска со нивните мотиви, поради кои сакаат да протестираат?! Или тие си мислат дека веќе можат да доаѓаат во главниот град на Македонија да протестираат, „со или без поддршка и дозвола на нејзините институции“, бидејќи ја добиле „главната дозвола и согласност“ на еден опозициски политичар и лидер на партија – Али Ахмети на ДУИ, кој не е никаков фактор да одлучува за такво нешто?!

2 минути за читање

„Протестот во Скопје на 13 декември за поддршка на водачите на косовската УЧК, на кои им се суди во Хаг, ќе се одржи со, или без поддршка од институциите на С.Македонија! Неправедно е да спречува овој протест, бидејќи е тоа универзално право, кое не треба да се политизира под никакви околности. Премиерот Мицкоски е против неговото одржување, но ние не не го поканивме да учествува на овој протест, кој го договоривме со Али Ахмети и неговите соборци во С.Македонија. Изјавата на Мицкоски е слична на изјавите на Љупчо Георгиевски во 2001 година, тогашниот премиер!“ – оваа дрска изјава со призвук на отворена провокација ја даде Газменд Сила на денешната прес-конференција.

Во својата информација за прес-конференцијата на Сила ТВ Шења објави: Сила најави дека петтиот по ред протест за поддршка на поранешните водачи на УЧК, кои се притворени во Хаг, ќе се одржи на 13 декември во 13 часот на плоштадот Скендербег во Скопјe. Ова беше објавено за време на прес-конференција на која, меѓу другото, тој рече дека „овој протест е договорен со Али Ахмети и неговите поранешни соборци во С.Македонија“.

Како што рече Сила, иако поднеле барање до надлежните органи за користење на просторот за одржување на овој протест, сè уште не добиле официјален одговор. Тој нагласи дека „протестот ќе се одржи со, или без поддршка од институциите на С.Македонија“. „Го најавивме протестот и тој ќе се одржи, со или без поддршка, неправедно е што бевме спречени да го одржиме протестот. Тоа  се универзални права, не треба да се политизираат под никакви околности.“ – посочи Сила. Тој ги покани граѓаните да се приклучат на протестот, додавајќи дека „тоа е барање на соборците во С.Македонија“. 

Вчера премиерот на Македонија Христијан Мицкоски го опиша протестот како „погрешен потег“. „Не ја поддржувам оваа идеја и не се согласувам со овој потег. Убеден сум дека ниту Вреди  нема да го поддржи.“ – нагласи Мицкоски.

Запрашан како ги коментира изјавите на Мицкоски, потпретседателот на Организацијата на ветерани на УЧК на Косово Газменд Сила одговори: „Ние не го поканивме да учествува на овој протест. Право да кажеме, ова е слично на изјавите на Љупчо Георгиевски во 2001 година, тогашниот поранешен премиер!“

Ова ќе биде петтиот протест по ред за поранешните водачи на косовската УЧК, по  протестите во Приштина, Хаг, Тирана и Стразбур. – објави ТВ Шења.

Поврзани теми:

топ|актуелно|протест во Скопје

Најнови вести од: Македонија

(Видео): Универзитетите со најдобри резултати ќе добијат најмногу пари од буџетот, рече Јаневска

Претходниот закон за високо образование беше многу лош, ова го кажувам каде дел од академската фела, а не како министер, вели Јаневска. Таа рече дека Законот за високо образование, Законот за квалитет во високо образование и науката и Законот за научно истражување во ист момент ќе одат во собранието бидејќи се поврзани.

Чучуљ: Ја поздравуваме секоја иницијатива за борба против корупцијата, ќе постапуваме секаде каде има основа

„Секогаш треба да се има предвид дека Државната комисија за спречување на корупцијата е превентивно тело и нашите капацитети се ограничени во врска со истрагата. Ние во нашиот дел секогаш постапуваме.“ – истакна новиот претседател на Антикорупциската комисија Адем Чучуљ во вечерашното гостување во централниот дневник на телевизија „Сител“ како одговор на повикот, што го упатија до него пред три дена „антикорупционерите“ од СДС „веднаш да се зафател со случајот“, за кој оваа партија тврди дека е „корупциски скандал тежок девет милиони евра, поврзан со власта“. Ставот на Чучуљ е и негово позиционирање во врска со најавите на опозициската СДС дека од утре ќе објавува „снимки за коруптивното работење на власта“.

Порака за солидарност и човечност – Градоначалникот Орце Ѓорѓиевски волонтира на терен со Црвениот крст

Градоначалникот на Скопје, Орце Ѓорѓиевски, на Светскиот ден на волонтерството, беше волонтер во Црвениот крст. Тој порача дека и оваа година, Град Скопје стои рамо до рамо со волонтерите како поддржувач, сојузник и активен учесник во создавањето на поодговорно, похумано и посолидарно општество.

Ахмети повикува на протест во Скопје за осудените водачи на ОВК: „Правда за ослободителите“

Лидерот на ДУИ, Али Ахмети, најави голем протест во Скопје на 13 декември 2025 година под мотото „вистина и правда за водачите на ОВК“, кои во моментов се судат пред Специјалниот суд во Хаг за наводни воени злосторства.

Русокоса газдарица што делеше боксови не е меѓу уапсените за ,,Кравјата криза” и излезе со своја верзија за инцидентот

Драмата со „распуштените“ крави во Кривопаланечко продолжува: додека над 500 животни и натаму слободно шетаат по нивите и патиштата, предизвикувајќи штета на земјоделците, таткото и двете ќерки од семејството Ѓорѓиевски се во осумдневен притвор.
Сите вести од Македонија

Најнови вести

To top