Македонија

Дурмиши: Засега нема причина да се воведе ограничување за цените на храната

Министерот за економија и труд Бесар Дурмиши смета дека засега нема причини да се реагира и да се воведе ограничување на цените на храната, затоа што во декември цените биле намалени за 0,4 проценти. 

Ќе се реагира ако дојде до енормно поскапување, вели Дурмиши. „Засега не гледаме причина да преземаме некакво ограничување на бруто профитната маржа или ограничување на цените. Секојдневно ја следиме ситуацијата, во комуникација сме со претставниците од Државниот пазарен инспекторат и ако има потреба ќе реагираме, но во декември цените во делот на храната и пијалоците се намалени за 0,4 проценти. Убеден сум дека овој тренд ќе продолжи и оваа година“, рече министерот за економија и труд.

Минатата година биле направени повеќе од 20.000 контроли и изречени се 2,5 милиони евра казни за оние трговци кои се однесувале девијаnтно и ги зголемиле цените без економска оправданост, појасни тој.

Најнови вести од: Македонија

Во Битола се одржа литија низ Широк Сокак со чудотворната икона на Пресвета Богородица Утешителка Паљурска

По Светата Литургија, чудотворната икона на Пресвета Богородица Утешителка Паљурска беше изнесена во свечена литија низ Широк Сокак, во која се вклучија свештениците, монашките заедници и бројните ходочесници. Со литијата заврши централниот дел од ходочестието во Битола.

To top