Македонија

Емисија која може да им го зацрни животот на Зоран Витанов и партнерите во Лајонес/Лајконет (ВИДЕО)

На наивните им се продавале ,,Облаци” а на крајот добиле само магла

Денешното издание на емисијата Еспресо со Златев може да им го зацрни животот на Зоран Витанов и домашни и странски партнери во компаниите Лајонес/Лајконет и други.

Според сведочење на жртви на измама вредна милиони инволвираните наведувале луѓе да инвестираат во ,,Облаци” и други слични механизми.

Двајцата гости во емисијата го објаснуваат системот преку кој се привлекувале граѓани инвеститори да даваат пари а никогаш не добиле поврат на парите.

Еден од сведоците вели дека таа и нејзини блиски луѓе со кои веќе не зборува дале над 100 илјади евра на фирмите кои ги промовирале Зоран Витанов и неговите партнери.

Другиот сведок тврди дека во Македонија има меѓу 15 и 20 илјади луѓе кои инвестирале во, според водителот Златев, пирамидални шеми.

Во три видеа објавени во емисијата Зоран Витанов објаснува зошто треба да се инвестира во оваа шема и зошто на луѓето им се чинело дека се работи за добра инвестиција.

Витанов во своите уверувања користи техники на убедување кои се речиси совршени а споменува и библиски мотиви во обидот да прикаже дека се работи за одличен бизнис и инвестиција.

Зошто сериозни луѓе интелектуалци поверувале во оваа шема може да се разбере од емисијата која дава преглед на настаните за финансиската измама која може да е една од најголемите по штедилницата ТАТ и Еуростандард Банка.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top