ЕВН Македонија Групацијата продолжува со својата посветеност кон долгорочните компаниски стратегии за заштита на животната средина преку масовно волонтирање во рамки на еколошката акција „Генералка викенд 2025“.
Околу 150 вработени, работните активности ги заменија со акција за собирање отпад во различни градови: Скопје, Гевгелија, Битола, Гостивар, Прилеп, Кочани, Кавадарци, и Кичево. Целта е вработените директно да придонесат кон почиста и поздрава околина, додека за секој 10кг отпад ќе се сади по едно дрво.
На волонтерската еколошка акција се приклучи и Управниот одбор на ЕВН Македонија.
„Една од нашите главни цели е ЕВН како одговорна компанија, континуирано да придонесува за почиста иднина за нашите идни генерации. Посветени сме да направиме позитивни промени во нашата област на делување: производство, дистрибуција и продажба на енергија. Многу сме горди на нашите вработени кои денес учествуваа во оваа акција и покажаа дека и тие исто така се грижат да имаме почиста и поздрава животна средина.“ изјави Претседателот на Управниот одбор на ЕВН Македонија, г. Волфганг Маиер.