Со две изјави на прес конференцијата со премиерот Мицкоски комесарката за проширување, ја оплеска работата пред македонската јавност.
Првата тема на која падна Кос која е Словенка е македонскиот идентитет а втората е внесот на Бугарија како недоволен услов за влез во ЕУ.
Марта Кос, на денешната прес конференција во Скопје, рече дека не може да ни даде никакви гаранции дури и да ги внесеме Бугарите во Уставот.
Веројтано несвесна за тоа што го стори Кос навредливо го спореди македонскиот идентитет со тавче гравче, полнети пиперки и пинџур.
„Идентитетот е нешто што си го носиме во душите и во нашите срца. Идентитетот е како се чувствуваме и како ја чувствуваме нашата татковина, идентитетот е она како се грижиме за нашата традиција. На пример манастирите во Македонија, погачата, тавче-гравчето, пинџурот или полнетите пиперки, како ги одржуваме традиционалните носии, какви односи градиме со постарите во земјата, каков однос имаме кон зачувување на нашиот јазик и никој не може да ви го одземе ова на вас Македонците”, рече Кос.
Премиерот Христијан Мицкоски не сакаше да влегува во дијалог со Кос и одговори дипломатски но со јасна порака дека Кос прави грешка.
„За мене мојот идентитет не е само прекрасната македонска кујна, туку е и Гоце Делчев и Шапкарев, и Миладиновци и Илинденското востание и Дамјан Груев и Јане Сандански. Не знам дали ќе го споделат истото мислење и колегите од исток, но тоа се луѓето кои се дел од нашиот идентитет, македонски идентитет”.
Целата прес конференција