Станува збор за еден од респектираните македонски правни научници, со долгогодишно искуство во областа на римското и европското право, како и во интелектуалната сопственост и правната аргументација. Проф. Наумовски има објавено бројни научни трудови во домашни и меѓународни списанија и активно учествува на европски и светски конференции.
Препознатлив е и по својата европска академска вмреженост, учество во меѓународни истражувачки проекти и соработка со повеќе универзитети и правни институти во Европската Унија. Како професор, со години е посветен на едукација на нови генерации правници, со фокус на владеењето на правото, уставните вредности и правната сигурност.
Очекуваниот избор на проф. Наумовски се оценува како сигнал за ориентација кон стручност, интегритет и европски стандарди во работата на Уставниот суд, како и чекор кон понатамошно зајакнување на довербата во уставно-судската заштита.