Македонија

Мицкоски: Иднината на глобалниот развој на светот ќе ја дефинираат вештачката интелигенција и енергијата

Премиерот на Република Македонија, Христијан Мицкоски, во обраќањето пред млади лидери и претставници на Европските демократски студенти истакна дека иднината на глобалниот развој ќе биде дефинирана од вештачката интелигенција и од енергетскиот сектор.

Премиерот на Република Македонија, Христијан Мицкоски, во обраќањето пред млади лидери и претставници на Европските демократски студенти истакна дека иднината на глобалниот развој ќе биде дефинирана од вештачката интелигенција и од енергетскиот сектор.

Говорејќи во Скопје, Мицкоски рече дека наместо класичен политички говор, одлучил да се фокусира токму на темата за вештачката интелигенција, поради нејзиното огромно значење за иднината на човештвото.

Осврнувајќи се на своето поранешно искуство како професор по мехатроника, премиерот потсети дека пред две децении терминот „вештачка интелигенција“ речиси и не се користел, туку се зборувало за машинско учење и алгоритми како фазна логика, генетски алгоритми и невронски мрежи.

„Денес сите зборуваат за вештачка интелигенција, но не сум сигурен дека сите го разбираат нејзиното вистинско значење“, рече Мицкоски.

Тој посочи дека развојот на вештачката интелигенција е тесно поврзан со достапноста на електрична енергија и со изградбата на дата-центри.

„Не можете да користите вештачка интелигенција без центри за податоци, а тие зависат од електрична енергија“, нагласи премиерот. Според него, глобалната побарувачка за електрична енергија ќе расте значително побрзо од вкупната енергетска побарувачка, што ќе отвори огромни инвестициони можности.

Мицкоски ја претстави и регионалната иницијатива SECI (Skopje Electricity Connectivity Initiative), која има за цел да ги мобилизира шесте земји од Западен Балкан. Целта е регионот да привлече 0,01 отсто од глобалните енергетски инвестиции, што би значело изградба на околу 4 теравати нови капацитети и инвестиции во вредност до 400 милијарди долари.

„Ова може целосно да ја трансформира економијата на регионот“, рече тој, нагласувајќи дека станува збор за реална економска можност, а не за политичка реторика.

Премиерот најави и инфраструктурни проекти, меѓу кои гасни интерконектори со Грција и Србија, како и нови далноводи за поврзување со соседните земји. Овие проекти, според него, ќе ја зголемат енергетската безбедност, ќе ја подобрат регионалната поврзаност и ќе овозможат развој на дата-центри неопходни за развојот на вештачката интелигенција.

На крајот од обраќањето, Мицкоски упати порака до младите политичари дека иднината не припаѓа на популизмот и „романтичните идеи од минатото“, туку на знаењето и на разбирањето на новите технологии.

„Современиот политичар мора да има познавање од вештачката интелигенција и енергијата. Во спротивно, нема да биде успешен“, порача премиерот.

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

Охриѓани со порака: Насилството не е проблем на една личност, тоа е заеднички проблем

Љупчo Ѓорѓиески, таткото на 26-годишна Сара Ѓорѓиеска која нејзиното момче Кристијан Корабоски на 15 ноември ја претепа до бесознание и ја остави на улица во Охрид, денеска со нејзина фотографија на која ѝ се гледаат модрици по лицето се приклучи на охридскиот протест против насилството врз жените и фемицид.

(Видео): Избрана трасата за експресниот пат Кочани-Виница-Делчево, камен-темелникот в година, рече премиерот

По јавната расправа е избрана една од двете разгледани варијанти и дека апликацијата за проектот е веќе поднесена пред меѓународните финансиски институции.

To top