Македонија

Мицкоски: Нема предвремени парламентарни избори оваа година, целта е редовни избори (ВИДЕО)

Премиерот Христијан Мицкоски изјави дека Владата нема намера да распишува предвремени парламентарни избори во текот на оваа година и дека останува посветена на редовниот изборен циклус во 2028 година.

1 минута за читање

Премиерот Христијан Мицкоски изјави дека Владата нема намера да распишува предвремени парламентарни избори во текот на оваа година и дека останува посветена на редовниот изборен циклус во 2028 година.

Одговарајќи на новинарско прашање во врска со актуелните анкети и политичките односи, Мицкоски истакна дека, иако политички би било исплатливо да се одат на предвремени избори по убедливата победа на локалните избори, тој не го смета тоа за исправен и државнички потег.

„Јас кажав дека оваа година немаме намера да имаме предвремени парламентарни избори, нашата цел се редовни избори 2028 година. Иако политички опортуно е по убедлива победа на локалните да има и предвремени парламентарни избори. Но не мислам дека тоа е државнички потег. Треба да се посветиме на реформите“, изјави Мицкоски.

Тој додаде дека Владата останува фокусирана на реформските процеси и на исполнувањето на меѓународната агенда.

„Јас се вратив со добри вести од Брисел, но би сакал да ги соопшти Европската комисија. Ние сме сега на крајот од првата половина на нашиот мандат“, рече премиерот.

 

Поврзани теми:

избори 2028|редовни избори|Христијан Мицкоски|топ|премиер

Повеќе на оваа тема:

Најнови вести од: Македонија

Ивица Коневски е инвеститор на зградата каде загина работник

Трагедија е ова што се случи. Фирмата ‘Јакимовски ДООЕЛ’ има долгогодишно искуство, сите постапки се почитувани и обезбедени се сите одобренија за градба. Најверојатно дошло до ненадејно излизгување на земјиштето, по што се случила несреќата, изјави Коневски.

Благодарение на брзата реакција на службите, избегната уште поголема трагедија во Кисела Вода при ископот на темели за нов објект

Драматична била ситуацијата утринава на градилиште во Кисела Вода, каде при ископување дошло до затрупување на работници. Според информации од терен, полицијата и пожарникарите пристигнале за неколку минути по пријавата и веднаш започнале со извлекување на затрупаните. Очевидци велат дека службите реагирале веднаш по пристигнувањето. Неофицијално, токму брзата интервенција во првите минути направила разлика, со оглед дека секое дополнително доцнење сериозно би ја влошило состојбата на затрупаните.

Уставно-правните експерти против СДС: не постои уставна пречка за забрана на двојното државјанство

Откако премиерот Христијан Мицкоски сугерираше да се консултираат со правни експерти за предлогот народните избраници да имаат само македонско државјанство, експерти ја поддржаа идејата, а ист став има и шефицата на македонската држава проф.д-р Гордана Сиљановска-Давкова, исто така и таа уставен експерт.

Разбиено злосторничкото здружување за нелегален ботокс: уапсени 14 лица! Во криминалот доктори во скопски клиники и сопственици на дерматолошки ординации!

Министерството за внатрешни работи соопшти детали за обемната полициска акција спроведена на 23.04.2026 година, во која се сузбиени организирани криминални групи инволвирани во нелегален увоз и дистрибуција на медицински средства што се користат при естетски зафати. Акцијата е реализирана од Одделот за сузбивање на организиран и сериозен криминал, под раководство на јавен обвинител од ОЈО ГОКК. Во рамките на истата, врз основа на судски наредби од Основниот кривичен суд, извршени се претреси на повеќе локации во Скопје, Струмица и Битола.

Стаменкоска-Трајкоска: Безбедноста е приоритет и не смее да биде предмет на политика

Во овој момент, надлежните институции постапуваат и се во тек проверки за утврдување на сите околности поврзани со настанот, додава градоначалничката. Општината целосно соработува со институциите и ќе постапи согласно сите наоди и препораки.

Теодосиевски: Мафијашите од коруптивно-криминалната коалиција го распродаваа македонскиот идентитет и ја тероризираа РМ од 2017 до 2024, оставајќи ја во катастрофа!

Оваа и ваква „опозиција“ ни по бројноста ниту пак по сериозноста на настапот може да се факторизира без поширока поддршка. Од каде? Од интелектуалната, академската, политичката, бизнис… мафија инсталирана во текот на изминатите три децении, а реанимирана и дополнета во спомнатиот период 2017-2024 година. Насловот можеше да биде дури и поексплицитен, на пример „Ај честито, мафијо“, или „Да живее автономијата на универзитетот“ итн. И ќе нагласеше одделни сегменти од мафијашките односи во државава актуелни во овој миг, па другите ќе останеа во сенка. Зашто широчината и длабочината на катастрофата на државата е огромна! Ова го нагласува Златко Теодосиевски во својата колумна со наслов „ Интелектуално-мафијашка врева“, која ја објави „Плус инфо“.
Сите вести од Македонија

Најнови вести

To top