На социјаните мрежи се појавија фотографии од лидерот на СДСМ Венко Филипче, снимен на аеродромот во Венеција, Италија, каде, како што се тврди во објавата, фаќа лет за Дубаи, Обединетите Арапски Емирати.
„Венко Филипче штотуку сликан на аеродром Венеција како патува во Дубаи. Се скара со цела држава и за Нова година во Дубаи, вака на власт не се доаѓа“ – се вели во објавата на профилот Механичарот на „X“, каде што се објавени фотографиите на Филипче со членови на семејството на аеродромот во Венеција.
Деновиве на прес-конференција ВМРО-ДПМНЕ го прозива Филипче да каже како ја добил тнр. Златна виза за ОАЕ, и дали учествува во градежна инвестиција во Дубаи. ВМРО-ДПМНЕ претходно објави интервју со поранешниот соработник на Зоран Заев Тома Арврамски, кој во настап на Тв Хепи во Србија изјави дека Филипче поседува стан во Дубаи.