Претседателот на СДСМ, Венко Филипче, ги прокоментира резултатите во првиот круг од локалните избори, според кои неговата партија добила три градоначалници и водела во девет општини.
„Честитки за добро организираниот изборен процес, со одредени забелешки. Им честитам на сите градоначалници што победија во првиот круг.
СДСМ освои 3 општини – Крива Паланка, Кривогаштани и Богданци, води во 9 – Центар, Пробиштип, Чучер Сандево, Чешиново-Облешево, Валандово, Крушево, Конче, Лозово и Росоман, и во уште неколку општини има второ место.
Овој резултат мислам дека не е тој што го посакувавме, но, имајќи ги предвид околностите, не е лош, посебно што, не насекаде, но во одреден број општини имаме зголемување на бројот на гласовите во однос на лани и тоа е доказ за процесот на консолидација на партијата, процес кој бара време и ќе продолжи во наредниот период“, изјави лидерот на СДСМ.