Македонија

Филков: Шверцот со мигранти е една од најбрзо растечките форми на организиран криминал во светот

Потребно е справување со криумчарењето мигранти и преку пристапот „следи ги парите“, поддржан од ефективна меѓународна соработка

1 минута за читање

 

Криумчарењето мигранти е една од најбрзо растечките форми на организиран криминал во светот – сериозен безбедносен и хуманитарен предизвик со кој ниедна земја не може сама да се справи.
Ова е оценка на министерот за правда Игор Филков кој учествуваше на настан посветен на новиот пакет мерки за миграција и азил, организиран од Националната конвенција за Европската Унија во Република Македонија.

Министерот потсети дека Македонија ги ратификувала сите релевантни меѓународни инструменти, вклучително и Протоколот на Обединетите нации против криумчарење мигранти. Сепак, главниот предизвик останува доследното спроведување на стандардите и зајакнувањето на меѓународната соработка.

„На национално ниво, улогата на надлежните органи во откривањето, гонењето и пресудувањето на овој вид криминал е важна. Потребно е справување со шверцот на мигранти преку карактеристичните инструменти на борбата против организираниот криминал. Во овој контекст, пристапот „следи ги парите“, поддржан од ефективна меѓународна соработка, е од суштинско значење, особено со оглед на растечкото влијание на модерните технологии врз начинот на кој се извршуваат овие кривични дела.

Затоа, финансиските истраги насочени кон криминалната инфраструктура претставуваат клучен сегмент во борбата против овој феномен“, рече Филков.

Поврзани теми:

мигранти|шверц|Филков|криминал|избор

Повеќе на оваа тема:

Најнови вести од: Македонија

Партенија Зографски, македонскиот црковно-народен и јазичен деец и духовен пастир на македонскиот народ – 150 години од смртта

На денешен ден, на 7 февруари се навршуваат 150 години од смртта на Партенија Зографски, првиот македонски учебникар, филолог, еден од најистакнатите културни и црковни работници од 19 век во Македонија и прв македонски митрополит. Се пројавил и како собирач на народни умотворби и прв почнал да печати македонски народни песни. Во весникот „Ден“ бр. 7, од 14. февруари 1876 година бил објавен некролог за упокојувањето на Партенија Зографски: „По долго боледување, во ноќта меѓу 6 и 7 февруари тој се пресели во вечноста, заслужувајќи го името пастир на народот, затоа што навистина верно му служеше и сите ја познаваа добрината на тој старец… Потекнува од Галичник, и заслужува вечно споменување.“ – стои во текстот. Ова се нагласува во статија на Институтот за македонска литература, посветена на животот и делото на Партенија Зографски.

Македонското знаме се развеа на ЗОИ 26 во Италија: оптимизам во МОК и меѓу нашите олимпијци за добри резултати од настапите

Четворица спортисти ја претставуваат Република Македонија на Зимските олимписки игри 2026 во Италија. Јана Атанасовска е најмладата македонска натпреварувачка и рекордерка во алпско скијање. Ставре Јада е најискусен член на македонскиот олимписки тим, кому ова му е трето учество на Зимски олимписки игри, по настапите на Олимпијадата во 2018 година во Пјонг Чанг, во Јужна Кореја, и на Олимпијадата во 2022 година во Пекинг, во Кина. По настапот на претходната Олимпијада во Пекинг Ана Цветановска повторно ќе ја претставува Македонија во истите нордиски дисциплини. Четвртиот наш натпреварувач е Виктор Петков, кој последен влезе во државниот олимписки тим. Честа да го носат македонското државно знаме на вчерашната официјалната церемонија на отворањето на ЗОИ 2026 ја имаа Атанасовска и Јада.

Во акција на полицијата и ОЈО 40 тони марихуана запленети во складишта! – Мицкоски: Катастрофално наследство од претходната власт!

Околу 40 тони марихуана се запленети во голема полициска акција што се реализираше вчера, според извори блиски до истрагата. Владата го потврди сериозниот карактер на случајот. Премиерот во телевизиско интервју изјави дека јавноста ќе биде шокирана од бројките и дека десетици тони дрога незаконски биле пуштени во промет или сокриени во македонските складишта. „Одговорност ќе има за ваквите злоупотреби и криминални дејствија“, порача премиерот. Тој го оцени случајот како „катастрофално наследство“ од економските политики на претходната власт.

Смилевска: Ковачки е посветен на македонската кауза и несебично ѝ служи на Македонија! – Со Мицкоски ќе бидат одличен тим во градењето на иднината!

„Ја поздравувам државничката одлука на лидерот на ВМРО-ДПМНЕ Христијан Мицкоски за назначувањето на Драган Ковачки како генерален секретар на ВМРО-ДПМНЕ. Мицкоски е лидер, што не калкулира со иднината, туку ја гради со одговорност и визија. Назначувањето на Ковачки е уште една потврда за тоа.“ – објави Христина Смилевска од Унијата на жени на ВМРО ДПМНЕ на својот фејсбук-профил по вчерашното именување на Драган Ковачки, пратеник во Собранието на Република Македонија, како нов генерален секретар на ВМРО ДПМНЕ.
Сите вести од Македонија

Најнови вести

To top