Македонија Бизнис

(Фото): И дење и ноќе, со полна пареа се гради автопатот Кичево-Охрид

Со забрзана динамика се гради автопатот Кичево – Охрид. Претседателот на Владата Христијан Мицкоски денеска беше на увид на градежните активности на автопатот Кичево – Охрид.

Со забрзана динамика се гради автопатот Кичево – Охрид. Претседателот на Владата Христијан Мицкоски денеска беше на увид на градежните активности на автопатот Кичево – Охрид.

  • Би сакал само можеби да напоменам дека оние делови од оваа делница на автопатот Кичево – Охрид каде што има свлечишта се работат, при тоа се работат и проекти за стабилизирање на земјиштето бидејќи е тоа многу важно за да може целата траса да биде пуштена и завршена. Оние неколку километри кај селото Ботун, но и оние практично километри кои што го поврзуваат тунелот кај Врбљани со Кичево, практично од излезот на тунелот до Кичево, таму имаме 10тина , ваму имаме 5, 6.

Така што очекувам и тоа да се заврши, веќе од есен да се работи на стабилизација и на тоа земјиште, односно теренски работи, градежни работи со што целата секција практично од Кичево до Охрид ќе биде стабилизирана и безбедна за возење. Како што кажа и министерот патот беше предвиден без исклучоци, без стабилизирано земјиште, со многу свлечишта итн., но тоа паралелно се работи и динамиката е задоволителна.

  • Затоа ние денеска го правиме овој увид за да ги охрабриме компаниите кои што работат дека треба да се заврши за да бидеме автопатски поврзани, и овој автопат кој што се гради да биде конечно завршен после повеќе од една деценија.

Исто така сакам да напоменам дека со несмалена динамика се работи и на други три делници и автопати, тоа се Тетово-Гостивар, Гостивар- Букојчани и Прилеп- Битола.

  • И тоа би ги додал оние два повици, тендерски процедури на две други автопатски делници, а тоа се Букојчани- Кичево и Г.П.Блаце- Скопје. Тие се во фаза на евалуација, поднесување на финансиски понуди и слично. Така што навистина имаме една голема офанзива која што очекувам да резултира со конечно завршување и заокружување на автопатската инфраструктура во Македонија.

Уште еднаш да се заблагодарам на сите компании и работници кои што работат на оваа делница деноноќно и се трудиме што побргу да го завршиме тоа што е почнато пред повеќе од една деценија. Да се заблагодарам на сите оние кои што го користат овој пат, на охриѓани, на стружани на сите кои што живеат тука за трпението, но мораме да го завршиме. Подобро вака, отколку да стои незавршено и да биде споменик на едно време.

Најнови вести од: Македонија Бизнис

Време е Карпош да добие нова енергија, посветеност и одговорност, порача премиерот

Карпош ќе ја има мојата поддршка, и заедно Владата и општината, додаде ќе направат многу работи заедно, порача лидерот на ВМРО-ДПМНЕ и премиер Христијан Мицкоски на промоцијата на Лукроски за кандидат за градоначалник на општина Карпош.

Автопатот Скопје-Блаце треба да започне со градба до почетокот на следната година

Вицепремиерот и министер за транспорт Александар Николоски, најави дека автопатот до граничниот премин Блаце ќе почне да се гради на почетокот на следната година и треба да биде готов за три години, односно до почетокот на 2029-та.

„Лазо Ангеловски“ доби систем за следење на потрошувачката на енергија

Министерството за енергетика, рударство и минерални суровини денес го посети основното училиште „Лазо Ангеловски“ во општина Аеродром, каде што веќе се инсталирани и успешно функционираат современи системи за паметно мерење и управување со потрошувачката на електрична енергија – дел од иницијативата што започна со потпишаниот Меморандум за соработка со Македонски Телеком. На посетата присуствуваа министерката […]

To top