Македонија

ФЗО: Нема пријави за непотребни медицински интервенции во последните четири години

Фондот за здравствено осигурување (ФЗО) соопшти дека во изминатите четири години не се регистрирани поплаки за изведување на непотребни медицински интервенции

2 минути за читање

Фондот за здравствено осигурување (ФЗО) соопшти дека во изминатите четири години не се регистрирани поплаки за изведување на непотребни медицински интервенции. По сопствена иницијатива, ФЗО извршил девет контроли во врска со приватно наплатени средства, реагирајќи на обвинувањата во јавноста дека во приватните болници се вршат непотребни операции заради профит.

„ФЗО ја нагласува важноста од почитување на професионалните стандарди, медицинската етика и принципите на медицина базирана на докази, кои се основа на здравствениот систем. Во рамките на своите надлежности, Фондот редовно спроведува контроли за исполнување на договорните обврски со јавните и приватните здравствени установи, осигурувајќи дека здравствените услуги се во согласност со законските прописи и склучените договори. Редовни годишни проверки се вршат во сите установи, а ФЗО постапува и по пријави од пациенти или по сопствен наод“, истакнуваат од Фондот.

Од ФЗО појаснуваат дека не поседуваат законска надлежност да ја оценуваат медицинската оправданост на извршените интервенции, ниту да вршат инспекциски надзор врз стручната работа на здравствените установи. Овие надлежности, како што велат, се во доменот на Државниот здравствен и санитарен инспекторат или на специјализирани комисии формирани од страна на министерот за здравство.

„ФЗО ќе продолжи да работи во рамките на своите овластувања за да спречи евентуални неправилности во користењето на финансиските средства. Апелираме до сите чинители во здравствениот систем и до јавноста за одговорна и факти-базирана комуникација, со цел да се зачува довербата во здравствениот систем и да се избегнат генерализации што можат да предизвикаат сензационализам“, додаваат од Фондот.

Поврзани теми:

д-р Сашко Кедев|Фонд за здравствено осигурување|Аџи бадем Систина|ФЗО

Повеќе на оваа тема:

Најнови вести од: Македонија

Ветвендосје на Курти победи на изборите, но дали ќе има мнозинство гласови, за да формира самостојно влада на Косово? – Честитка од Меџити

Изет Меџити, градоначалник на општина Чаир и еден од лидерите на коалицијата Вреди, испрати честитка до премиерот Албин Курти по неговата нова изборна победа во Косово. „Добра вест доаѓа од Косово. Уште една победа за Албин Курти и Самоопределување. Албин, големо задоволство е да ја видам вашата нова победа, дури поголема од претходните избори. “ – посочи, покрај другото, Меџити во својата честитка. Тој додаде дека „од Скопје ја потврдува својата поддршка за демократските процеси во Косово“.

На паркинг на булеварот „АСНОМ“ во Скопје, оштетени 34 возила!

Не едно, не неколку, туку рамно 34 возила се оштетени на паркингот на булеварот „АСНОМ“ (од Ново Лисиче кон населба Аеродром) – некој решил да се „забавува“, или за што станува збор?! Екипа од СВР Скопје извршила увид, известен е јавен обвинител и се преземаат мерки за пронаоѓање на сторителот и за целосно расчистување на случајот, велат од полицијата.

Над половина од семејствата со повеќе деца едвај крпат крај со крај

Просечно секој петти граѓанин во државата живее во сиромаштија, а според последните податоци на ДЗС за лани, стапката на сиромаштија во земјата изнесува 21,9 %. Најизразена е кај децата до 17 години каде процентуалноста пак достигнува 29,5 % што укажува на тоа дека речиси една третина од младите деца живеат во сиромаштија. Кај вработените лица, стапката на сиромаштија во 2024 година изнесува 7,9 проценти, што укажува на присуство на т.н феномен на „сиромашни вработени“ – лица кои и покрај тоа што имаат работа, остваруваат приходи под прагот на сиромаштија.

Шабани: Огромното мнозинство од младите во РМ воопшто не се заинтересирани за темите, за кои зборува Али Ахмети, „доживотниот цар на ДУИ“!

„Без нови личности и визија, ДУИ се изложува на опасност да остане во опозиција долго време. Конгресот на ДУИ произведе незадоволство, а не реформи. Лошото во врска со Конгресот на ДУИ е тоа што не со замина Али Ахмети, кој е главниот виновник за поразот на ДУИ на локалните избори одржани во октомври. А тој сака да остане цар, самовладетел во ДУИ до својата смрт! Огромното мнозинство од младите луѓе во земјата, особено оние родени по Охридскиот договор, воопшто не се заинтересирани за темите за кои зборува Али Ахмети.“ – се нагласува во анализата, која е објавена во весникот на албански јазик „Бота сот“ од Приштина, Косово со наслов „Поделба во ДУИ по изборот на раководството на Конгресот“.

Хаос во центарот на Скопје: „Сеат“ удри во три паркирани автомобили, контејнери, автомобили во движење и семафор

Вистински хаос се случил во петокот околу 12:30 часот на улицата Григор Прличев во Скопје, кога патничко возило „сеат“ предизвикало серија судири, оштетувајќи повеќе автомобили, контејнери и градска инфраструктура.
Сите вести од Македонија

Најнови вести

To top