Македонија

Гаши: Западен Балкан не е периферија, туку составен дел од Европа

Македонија од својата независност во 1991 година јасно ја поставила евроатлантската интеграција како клучна стратешка цел

2 минути за читање

 

 

Претседателот на Собранието на Република Македонија, Африм Гаши, учествуваше на меѓународна конференција одржана во Љубљана, Словенија, на тема „Западен Балкан во виорот на новата геополитика на безбедноста“,.

Во својот говор, Гаши нагласи дека европската интеграција на регионот е стратешка неопходност за гарантирање на безбедноста и стабилноста на целиот европски континент.

Тој порача дека дебатата за проширувањето денес е повеќе од прашање на иднина, оценувајќи дека тоа претставува доказ за политичкиот карактер и капацитет на Европската Унија. Според него, Македонија од својата независност во 1991 година јасно ја поставила евроатлантската интеграција како клучна стратешка цел, која опстојала низ сите политички промени и предизвици, стои во соопштението, се вели во соопштението од Собранието на Република Македонија.

Гаши го истакна патот на Македонија кон Европската Унија, наведувајќи ги тешките компромиси и континуираната посветеност на спроведувањето реформи како јасен доказ за евроатлантската ориентација на земјата.

Гаши понатаму изјави дека процесот на проширување треба да се разбере како договор на доверба, кој бара одговорност и храброст од двете страни.

Претседателот на Собранието предупреди и на „двојниот замор“ – замор од проширување во ЕУ и замор од стагнација кај земјите-кандидати, оценувајќи дека тоа создава ризик од долготрајна неизвесност која ја поткопува довербата во европскиот проект, стои во соопштението.

Тој отвори и прашања за вистинската политичка волја за проширување на Унијата, нагласувајќи дека процесот треба да биде договор за доверба меѓу двете страни, а не еднострана обврска на кандидатите, стои во соопштението. објави Скопје1.мк

Гаши нагласи дека Западен Балкан не треба да се гледа како периферија, туку како составен дел од Европа, која има за цел да се комплетира.

Како заклучок, претседателот на Собранието го потврди ставот дека интеграцијата на шесте земји од регионот треба да се третира како заеднички процес, подвлекувајќи ја важноста на соработката и заедничката европска перспектива.

Поврзани теми:

избор|еу|Балкан|проширување|Африм Гаши|Љубљана

Повеќе на оваа тема:

Најнови вести од: Македонија

Милошоски: Потребна е искрена и остварлива европска понуда за проширувањето

Во Скопје се одржа панел-дискусија на тема „Од визија до геополитички одговор: Проширувањето на ЕУ во новата геополитичка реалност“, организирана од Вилфред Мартенс центарот и Фондацијата Конрад Аденауер, по повод Денот на Европа 2026 година. На конференцијата со наслов „Седум децении подоцна: Од визијата на Шуман до новите геополитички предизвици на Европа“ поздравно обраќање имаше политичкиот врв.

Гаши: Во трка сме со времето во однос на членството со Европската унија

Претседателот на Собранието, Африм Гаши, на трибина организирана од Европското движење, порача дека сме во трка со времето околу членството во ЕУ и се плаши – дека ќе го изгубиме. Според Гаши, нема никаква корист од изнаоѓање виновници околу блокадата на евроинтеграцијата и тој преферира да најдеме пат, т.е. решение и да стигнеме до целта.

Муцунски: Европските пари и се и повеќе од потрребни на Македонија

Планот предвидува интеграција на партнерите во Единствениот европски пазар, унапредување на регионалната економска соработка, забрзување на реформите поврзани со европските стандарди и зголемување на претпристапната финансиска поддршка. Според Европската Унија, ова треба да придонесе за побрз процес на проширување и економски раст во регионот.

Нова шанса за Македонија: Маѓар и Туск предлагаат „Вишеградската група“ да се прошири со земјите од Западниот Балкан, кои не се уште дел на ЕУ!

Премиерите на Унгарија и Полска предлагаат „нова оска за Европа“ – „Вишеградската група“ плус Западниот Балкан, оние држави, кои уште не се во ЕУ, што е нова шанса за македонската евроинтеграција, бидејќи Македонија токму од „Вишеградската група“ добива најмногу вистинска поддршка не само за влегувањето во „евроклубот“, туку и поддршка, која се спротивставува на „добрососедските“ условувања и уценувања за идентитетско-историски отстапки! Новиот премиер на Унгарија заедно со премиерот на Полска најавија дека ќе дејствуваат како „една тупаница“ во Европската Унија. 

Македонија добива 65,7 милиони евра од ЕУ за развој на државата

Европската комисија одобри 65,7 милиони евра за Македонија во рамките на Инструментот за реформи и раст. Тоа е највисок износ меѓу земјите од регионот во овој циклус на исплати. За споредба, за Албанија се одобрени 49 милиони евра, а за Црна Гора 44,2 милиони евра.
Сите вести од Македонија

Најнови вести

To top