Преку општествената мрежа натаму Ѓорѓиевски порачува: Со тоа, конечно се отвора патот за реализација на овој долгоочекуван, но премногу пати неисполнет проект.
Овој булевар е еден од моите најзначајни приоритети, покрај останатите капитални инфраструктурни зафати во градот. Предолго беше заглавен од моите претходници и се претвори во вистинска голгота за илјадници граѓани. Тоа време завршува.
Во најскоро време ќе биде објавена јавната набавка, а проекциите се дека изградбата ќе биде комплетирана до крајот на оваа календарска година. Оние 850 метри голгота, од трафостаницата во Пинтија до кружниот тек во Драчево – заминуваат во минатото.
На нивно место ќе никне современ булевар со четири коловозни ленти и безбедна пешачко-велосипедска патека. Мојот народ заслужува безбедност, достоинствено движење и модерна инфраструктура.
Почитувани мои, свесен сум низ што поминувавте сите овие години. Свесен сум за секојдневните гужви, небезбедноста, прашината, оштетените возила, изгубеното време и нервозата што ја носи едно недовршено решение. За сите лажни ветувања. Свесен сум за разочарувањата од многуте ветувања во минатото. Но денес работите ги менуваме!
Затоа ве замолувам за уште малку трпение додека траат градежните активности. Привремената непријатност ќе значи трајно решение. Нека е аирлија!
Најдоброто, доаѓа! – истакна првиот човек на македонската метропола Орце Ѓорѓиевски преку фејсбук.