Македонија Спорт

Грчката ракометна федерација бара од ЕХФ нов меч Алкалоид – АЕК, со навивачи и на двата тима!

По вчерашното огласување од Ракометната федерација на Македонија (РФМ), која застана зад Алкалоид и побара од Европската ракометна федерација (ЕХФ) санкции за АЕК за неодиграниот возвратен натпревар од финалето на Европскиот куп во Скопје, денеска Грчката ракометна федерација (ОХЕ) побара нов меч со присуство на навивачи на двата тима. Обраќањето од ОХЕ до претседателот на […]

По вчерашното огласување од Ракометната федерација на Македонија (РФМ), која застана зад Алкалоид и побара од Европската ракометна федерација (ЕХФ) санкции за АЕК за неодиграниот возвратен натпревар од финалето на Европскиот куп во Скопје, денеска Грчката ракометна федерација (ОХЕ) побара нов меч со присуство на навивачи на двата тима.

Обраќањето од ОХЕ до претседателот на ЕХФ, Михаел Видерер, го пренесуваме во целост:

„Господине претседателе,

Ви го испраќаме ова писмо во врска со второто финале од Европскиот куп на ЕХФ помеѓу екипите на Алкалоид и АЕК, кое беше закажано за недела, 25.05.2015, во арената ‘Борис Трајковски’ во Скопјe.

Знаете дека Грчката федерација немаше никаква организациска или друга улога во спроведувањето на овие две финалиња, но од нашето присуство во двата натпревара ги видовме проблемите што се појавија, нивното справување и сме должни за доброто на ракометот да заземеме став.

Ве потсетуваме дека во нашата земја се организирани 6 финалиња на Европскиот куп на ЕХФ без никакви организациски, натпреварувачки или други проблеми. Во исто време, десетици слични европски финалиња во сите спортови се одржаа во Грција без никакви организациски или други безбедносни проблеми. На сите горенаведени настани прописите на соодветните европски или меѓународни федерации беа целосно имплементирани, освен за финалето на АЕК во периодот 2020-2021 каде, поради Ковид, беа следени здравствените протоколи на Европската федерација.

За конкретните финалиња (меѓу АЕК и Алкалоид – н.з.), големото прашање е зошто, пред почетокот на натпреварите, не беа утврдени условите за нивно одржување, бидејќи ги знаевме и капацитетот на салите и соодветните упатства на Европската федерација во врска со безбедноста и бројот на билети на кои имаше право секој тим. Доколку некој од тимовите се соочил со безбедносни или други проблеми, тоа морало да се дискутира и да се договори пред првиот натпревар од финалето.

АЕК, од своја страна, организираше одличен прв натпревар во арена со капацитет од 8.500 седишта и не се соочи со никакви проблеми ниту со безбедноста, ниту со приемот на тимот на Алкалоид и неговите навивачи.

Во четвртокот, 22 мај, добивме ажурирање од вас за безбедносните проблеми што се појавија во Северна Македонија и со право се поставуваат следниве едноставни прашања:

– Зошто министер одговорен за безбедноста на една земја открива безбедносен проблем по првиот натпревар, а само неколку дена пред вториот?

– Зошто властите на една држава не можат да обезбедат присуство на 650 навивачи во сала со 7.000 седишта и нивен пристап од границите на земјата до салата?

– Зошто АЕК беше притиснат, пред неколку дена, да го игра второто финале во овие услови?

– Зошто на состаноците одржани меѓу претставниците на двата тима безбедносните органи на Северна Македонија и Европската федерација, а бидејќи имало толку вонреден голем безбедносен проблем (за кој не бевме свесни однапред), не беше предложено, заради рамноправност, финалето да се одржи со соодветно намалување на бројот на навивачи за двата тима (т.е. 200 билети за АЕК – 2000 билети за Алкалоид)?

Ве потсетуваме дека ова е втор пат АЕК да има ваков третман на гостување (претходниот беше против Партизан), додека натпреварите во Грција се играат на најбезбеден начин.

И конечно, властите на Северна Македонија нека нè информираат кои се овие вонредни безбедносни причини, неколку дена пред натпреварот, што предизвикуваат забрана за грчки навивачи во земјата.

Господине претседателе,

Длабоко сме заинтересирани за одбрана и заштита на нашиот спорт, и во нашата земја, и во Европа. Наша желба е големите клубови кои привлекуваат илјадници навивачи, како што е АЕК, да учествуваат и во грчкото првенство, и во европските натпреварувања, во присуство на своите навивачи, како што е предвидено со прописите, и дома, и на гости, без оглед на односите меѓу земјите од кои доаѓаат.

Ова е големо нешто за спортот воопшто.

Господине претседателе,

Мора да им покажеме на сите тимови во Европа, на сите оние кои работат напорно за спортот (спортисти, службени лица, судии итн.) дека постои волја од сите земји и засегнати страни за организирање натпревари со рамноправност.

АЕК во овој случај целосно ги спроведе прописите во првиот натпревар, без никакви проблеми, и требаше да добие ист третман и во вториот натпревар, без оглед на резултатот.

Верувајќи во вашата проценка и во рамките на фер-плејот, чија филозофија се роди во нашата земја и се прошири низ целиот свет, како основен концепт на олимпизмот, очекуваме презакажување на натпреварот, со присуство на навивачи на двата тима, како што произлегува од прописите на ЕХФ, кои беа прекршени во вториот натпревар, без доволно оправдување“, се вели во писмото потпишано од претседателот на ОХЕ, Константинос Гандис, и од генералниот секретар Константинос Стаматијадис.

Најнови вести од: Македонија Спорт

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Муцунски: Проширувањето на ЕУ е геополитичко обединување на Европа и стратешка инвестиција во постабилен и побезбеден континент

Министерот за надворешни работи и надворешна трговија Тимчо Муцунски синоќа во Скопје се обратил на конференцијата „Безбедноста во Западен Балкан“, организирана од германскиот институт „Аспен“ (Aspen Institute Germany) во соработка со Министерството за надворешни работи и надворешна трговија.

„КАЖИ НЕ!“ – кампања на МВР против сексуалната злоупотреба на деца во дигиталниот простор (ВИДЕО)

Целта на кампањата е да се подигне свеста кај децата, младите, родителите и пошироката јавност за препознавање и спречување на сексуалната злоупотреба во дигиталниот простор

Јовановски: На негирањата на македонската историја ќе одговориме со научна храброст и смиреност

„Од национални приказни до испреплетени истории“ е насловот на дводневната меѓународна конференција што ја организира Институтот за историја при Филозофскиот факултет на УКИМ по повод 80 години од неговото основање. Програмата опфаќа неколку пленарни и тематски сесии посветени на историските процеси, националните наративи, културните и дипломатските односи, како и на современите пристапи во историските истражувања. Учесниците ќе се претстават со реферати за историјата на Македонија од средновековниот период до современата државност, за односите на Балканот, османлискиот период, светските војни и меѓународните историски влијанија.

Најнови вести

To top