Од 5 до 9 часот наутро по македонско време (6 до 10 часот по грчко), сите гранични премини ќе бидат затворени — автомобилите ќе се пропуштаат на секои десет минути, а за камионите границите ќе бидат целосно затворени, најави синдикатот.
Така ќе биде и на трите гранични премини кон Македонија, „Евзони“ („Богородица“), „Дојрани“ („Дојран“) и „Ники“ („Меџитлија“).
Со оглед дека се случува шпицот на туристичката сезона, штрајкот ќе ги зголеми уште повеќе гужвите на граничните премини. Затоа надлежните повикуваат за патување да се избегне времето, во кое ќе се одвива штрајкот.