Македонија

Грција нуди стипендија за Македонци, месечно ќе дава 650 евра

Познавањето на грчкиот јазик е „плус“

Република Грција објави покана за аплицирање за стипендија за додипломски студии на грчките јавни универзитети почнувајќи од оваа година.

 

Министерството за надворешни работи на Република Грција нуди една  стипендија за граѓани на Република С. Македонија за посетување додипломски студии (на грчки јазик) на јавните универзитети во Грција почнувајќи од академската 2025-2026 година.

 

Меѓу понудените студиски програми се: грчки јазик и литература; историја и археологија; заштита на антиквитети и уметнички дела; новинарство и медиуми; теологија, вклучително и исламски студии; право; економија; политички науки; медицина и здравствени науки.

 

Познавањето на грчкиот јазик е „плус“. Носителите на стипендии без работно познавање на грчкиот јазик ќе треба да се регистрираат за курс по јазик во траење до осум месеци, пред да започнат со студиите во следната академска година (2026-2027).

 

За повеќе информации за грчките јавни универзитети, посетете ја веб-страницата „Студирај во Грција“: https://studyingreece.edu.gr/universities/

 

Стипендијата обезбедува месечен надомест (650 евра), курсеви по грчки јазик без школарина (доколку е потребно) и учебници (освен оние на Факултетот за грчки јазик).

 

Заинтересираните кандидати можат да ги поднесат своите апликации за најмногу три  оддели по нивна желба, приложувајќи:

– Биографија (на грчки или англиски јазик);

– Копија од диплома за завршено средно образование*;

– Потврда од надлежен орган на Северна Македонија дека дипломата за завршено образование овозможува прием во високообразовни институции на Северна Македонија*;

– Сертификат за познавање на грчки јазик (доколку е достапен);

– Извод од матична книга на родени/државјанство*.

Документите мора да бидат официјално преведени на грчки јазик и соодветно легализирани

 

Апликациите мора да се поднесат лично во Амбасадата на Грција во Скопје или во Генералниот конзулат на Грција во Битола, до 8 септември 2025 година.

Најнови вести од: Македонија

Пожар на 10 метри од детска градинка, двајца полицајци повредени

Двајца полицајци се хоспитализирани на Клиниката за токсикологија поради вдишување на јаглерод моноксид додека го гаснеле пожарот што избувна денеска попладне во близина на новоизградената детска градинка, сместена во дворот на основното училиште „Св. Климент Охридски“ во Бутел.

(Фото): Хаос на „Евзони“ – граѓани со часови чекаат за излез од Грција

Огромни кологи и долги саати чекање на граничниот премин „Евзони“ пријавуваат македонски граѓани. Од голема гужва пред границата стојат веќе три до четири часа, а притоа немаат информации за прекини во работата на границата, ниту пак за штрајкови. 

Паѓаа дрва, се откорнаа покриви од згради – невреме ја зафати Македонија

Скопскиот регион, но и делови од Македонија, попладнево беша погодени од силно невреме проследено со ветер и дожд, по што речиси истовремено избија повеќе пожари на отворен простор, видливи од голем дел од градот и предизвикувајќи вознемиреност кај граѓаните.

To top