Екс министерот за надворешни работи и евроинтеграции Бујар Османи доби незгодни прашања за Законот за јазици откако по заминување од власт се побуни зошто тој наводно не е спроведен.
Османи кој цели 20 години беше на власт со ДУИ сега смета дека единственото решение е автентично спроведување на Законот за јазици во сите институции.
Османи кој можеше да го реши проблемот сега бара спроведување без исклучоци и без преговори.
Екс министерот за финансии и политички аналитичар Џевдет Хајредини го потсетува Османи што правеше кога шеф му беше Заев.
,,Заев ве испрати, како хирург и координатор на автопатишта, да го браните законот откако беше одобрен во Собранието, пред Венецијанската комисија”, вели Хајредини и прашува:
, Зошто досега не го усогласивте законот за јазици со Уставот, како што ветивте, и зошто не го имплементиравте додека бевте на власт?
Не ги обвинувајте другите за сопствените грешки”, му порачува Хајредини на првенецот на ДУИ.