Изет Меџити, кандидатот на коалицијата Вреди за градоначалник на општина Чаир, јавно го предизвика својот кандидат од редовите на Националната алијанса за интеграција Бујар Османи, поканувајќи го на отворен телевизиски дуел. „Нека не се занимава со глума и театар. Нека одреди место и време.Јас ќе бидам таму.“ – кажа Меџити. Ова го објави информативниот портал на албански јазик „Актуале“.
Натаму порталот пишува: Во овој јавен предизвик, Меџити го повика Османи машки и јавно да се соочи пред граѓаните на Чаир. Бујар Османи пред неколку дена изјави дека сака дебата само со премиерот Христијан Мицкоски. „Османи знае дека лаже и затоа го поканувам јавно да се соочи со нас, да се соочи со нас каде што сака, во која било телевизија што сака.“ – посочи Изет Меџити.
Според Меџити, како што се приближува денот на изборите, до израз доаѓаат дволичноста и немањето искреност кај Бујар Османи, кој од една страна зборува за „храброст и транспарентност“, додека од друга страна избегнува директно соочување. Наместо да се соочи со вистината за минатата влада и неуспесите на ДУИ, Османи го избира патот на политичкиот „глумец“. Но, очигледно, овој пат неговото сценарио е откриено и јавноста јасно гледа кој бега од дебатата. – објави „Актуале“