Безредие на струшкото крајбрежје – фирми без концесии десет години остваруваат милионски приходи од користење на плажите, договорите за стопанисување им се истечени во 2016-та. Безмалку на секоја слободна површина се изградени објекти од тврда градба, а никој до сега не ги санкционирал. Пошироката јавност притиска да се стави крај на нелегалната масовна урбанизација, оти владее невиден хаос.
“Граѓаните треба да знаат дека сега плажите работат на диво и тие плажи сега засега не плаќаат ниеден денар на Општина Струга. Затоа јас, како градоначалник, предлагавда се донесе одлука за тие плажи да се менаџираат истите да плаќаат на општината, за да можеме на некаков начин да собериме. Во овој дел, значи, општината ќе губи најмалку околу пола милион евра”, вели Менди Ќура, градоначалник на Струга
Струшкиот градоначалник од март инсистира да се изготви законско решение за уредување на крајбрежјето .Целта е вели да се најде најадекватно решение со кое ќе се стави крај на узурпацијата и приграбувањето на секоја слободна површина.
“Јас како градоналаник предложив за урбана опрема што не ги опфаќа објектите што се во процедура за рушење и така натаму. Овие објекти, сигурно, се бара, закон за плажите, по кој основ, веќе ќе се знае што ќе правиме со тие објекти понатаму. Значи во моментот се предлагашесамо одлука за третирање на плажите со основна урбана опрема за да се менаџираат овие плажи“, вели Менди Ќура, градоначалник на Струга.
Ние не можеме дополнително да го комплицираме проблемот со тоа што ќе издадеме локации на кои што веќе има поставена урбана опрема,дециден е претседателот на гратскиот струшки Совет.
Ќе ги наруши меѓучовечките односи и некакви други ситуации кои што нема да ни помогнат. Една е финансиската бенефит кој што би имале, но без помош од државата и без помош и консултации и заедничка делување, ние знаеме дека ваков еден сложен проблем кој се напластилвеќе деценија и пол, не може да биде решен со некое палијативно решение, само колку да се приберат приходи.”, вели Мите Стефоски,претседател на Совет на општина Струга
За Ќура, нелогично е барањето на еколозите да се срамнат со земја сите објекти кои никнаа на плажите, оти концесионерите кои со години стопанисуваат на диво, вложиле и по 300.000 евра иакокрајбрежјето не е приватен имот. Согласно законот за градежно земјиште и другите законски прописи, плажите се во надлежност на локалните самоуправи на Охрид и Струга.