Македонија

Историско зголемување: Воената академија со буџет поголем за 419 отсто

Македонска одбрана добива историско зголемување во Предлог-буџетот за 2026 година. Пратеникот од ВМРО-ДПМНЕ, Драган Ковачки, на денешната прес-конференција истакна дека Воената академија „Генерал Михаило Апостолски“ ќе има буџет поголем за дури 419 отсто, со што значително ќе се подобрат условите за образование и професионализација на идните офицери.

2 минути за читање

Македонска одбрана добива историско зголемување во Предлог-буџетот за 2026 година. Пратеникот од ВМРО-ДПМНЕ, Драган Ковачки, на денешната прес-конференција истакна дека Воената академија „Генерал Михаило Апостолски“ ќе има буџет поголем за дури 419 отсто, со што значително ќе се подобрат условите за образование и професионализација на идните офицери.

„Овие средства се директно насочени кон подигање на квалитетот на обуката и создавање офицерски кадар способен да чекори рамо до рамо со сојузниците во НАТО“, нагласи Ковачки.

Истовремено, буџетот на Министерството за одбрана е зголемен за 8,4 отсто – од 20,4 на над 22 милијарди денари. Во делот на модернизација на армијата се предвидени 38,1 отсто повеќе средства, односно дополнителни 406 милиони денари, додека за набавка на опрема и механизација се издвојуваат 844 милиони денари повеќе, односно раст од 15,7 отсто.

Ковачки подвлече дека овие бројки се доказ за јасна стратегија и посветеност на Владата кон одбраната: „Во време на глобални безбедносни предизвици, стабилна економија може да постои само со силна и модерна одбрана. Со овој буџет ја зацврстуваме позицијата на Македонија како доверлив НАТО-сојузник, создаваме услови за нови вработувања, техничко унапредување и градиме армија според стандардите на најразвиените демократии.“

Според него, крајната цел е јасна – заштита на граѓаните, критичната инфраструктура и територијалниот интегритет на државата.

Поврзани теми:

топ|Воена Академија|Драган Ковачки|зголемен буџет|420%

Најнови вести од: Македонија

Претставен преобјавениот „Абецедар – сто години потоа“ – сведоштво за постоењето на Македонците и македонскиот јазик во Егејска Македонија, во Грција

„Денес, во новата историска реалност ние, како Македонци, имаме неспорен и вреден историски документ од пред еден век, кој претставува директно сведоштво дека Грција во 1925 година планирала настава на македонски јазик за потребите на македонските деца во грчкиот образовен систем. Уште поголема важност на ‘Абецедарот’ му дава фактот што неговите автори се Грци по националност и што учебникот бил изготвен по налог на грчкото министерство за образование. Токму овие последни два неспорни факта треба да бидат нашите клучни аргументи пред светската јавност кога зборуваме и расправаме за македонското прашање, за правата на Македонците во Егејскиот дел на Македонија и за неисполнетите обврски на Грција и нејзиното отстапување да го признае постоењето Македонци на нејзинатата територија.“ – истакна универзитетскиот професор д-р Никола Жежов при денешното претставување на преобјавениот Македонски буквар „Абецедарот – сто години потоа“ (1925-2025).

За првпат во Македонија изведена операција кај дете (4) со ретка конгенитална деформација

Оваа интервенција е резултат на врвна мултидисциплинарна координација – ортопедски тим, анестезија, интензивна нега и ургентна поддршка – со јасен фокус на сигурноста и квалитетот на самата постапка

Ахмети: Не протестираме против државата Македонија, туку за слободата на ексводачите на косовската УЧК, на кои им се суди, иако се невини

Али Ахмети имаше дадено „лично“ „согласност“ за одржувањето на денешниот протест „за правда за поранешните водачи на косовската УЧК“, на кои инаку им се суди во Хашкиот трибунал, како осомничени дека извршиле воени злосторства врз цивилно население во 90-тите години од минатиот век. Реагирајќи околу вмешувањето на Ахмети во овој протест, истакнати политички аналитичари-Албанци од Македонија и од регионот, чии ставови веќе ги пренесе редакцијата на „Експрес“, претходно укажаа дека лидерот на ДУИ, кој доживеа не само изборен дебакл, туку и политички потоп, наместо да поднесе оставка, реши политички да го злоупотреби овој протест, во обид да го сопре вртоглавото урнисување на својот политички рејтинг меѓу неговите сонародници во Македонија. Неби Мерсели реагираше жестоко, критикувајќи го Али Ахмети дека „наместо да поднесе оставка, се претставува и натаму како командант на УЧК, па уште и продолжува да говори против Хашкиот трибунал, претставувајќи се и како господар на протестот во Скопје“!

Митева: Македонија не смее назад, нападот на СДС врз слободните медиуми мора да биде осуден

Како човек кој секојдневно е во директна комуникација со Вас, медиумите и новинарите, чувствувам обврска јавно да реагирам. Премолчувањето во вакви ситуации би значело дека се откажуваме од одговорноста што ја имаме кон јавниот интерес и медиумската слобода.
Сите вести од Македонија

Најнови вести

To top