Македонија

Истрага против струмичанецот осомничен за обид за убиство на неговата сопруга

Осомничениот, 48-годишен, според информациите од Обвинителството, на 26 ноември оваа година, во семејната куќа во селото Просениково, при вршење семејно насилство, се обидел да ја лиши својата сопруга од живот

 

Основното јавно обвинителство во Струмица издаде наредба за покренување истрага против едно лице, бидејќи е осомничено за обид за убиство на неговата сопруга.

Осомничениот, 48-годишен, според информациите од Обвинителството, на 26 ноември оваа година, во семејната куќа во селото Просениково, при вршење семејно насилство, се обидел да ја лиши својата сопруга од живот.

„Ја зграпчил за главата и се обидел со шприц да ѝ вбризга одредена течност, најверојатно пестицид, во устата. Жртвата почнала да го турка и да вреска, додека нивните две малолетни деца, кои биле во другата соба, дошле да ја заштитат својата мајка.

Жртвата успеала да влезе во бањата, но осомничениот ја следел, ја турнал во кадата и ја згмечил со коленото, а потоа почнал да ѝ нанесува посекотини со нож на вратот, во близина на каротидната артерија. Децата се јавиле кај роднини кои успеале да ја разделат и спасат жртвата“.

„Во својот исказ пред обвинителот, жената потврдила дека подолг период била жртва на физичко и психичко насилство од страна на нејзиниот сопруг, но не се осмелила да го пријави тоа“, велат меѓу другото од Обвинителството, додавајќи дека обвинителот му предложил на судијата да му изрече мерка притвор на осомничениот.

Уапсен маж од Струмичко, на сопругата и нанел повреди со остар предмет, се обидел и со шприц да и стави непозната течност во устата

 

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

To top