Четириесетгодишна жена се удавила вчера во Дибарското Езеро во близина на градската плажа.
Жената била забележана од две лица кои ја извлекле од водата и се обиделе да ја реанимираат, но без успех.
„По повикот, веднаш пристигнала екипа на брза помош од Општата болница со проширени активности. Матичниот лекар само ја констатирал смртта. На телото на жртвата немало траги на насилство“, велат од полицијата.
Полицијата и обвинителството извршиле надзор, додека телото било испратено на обдукција.
По околу десет години, ова е првиот смртен случај во ова езеро. Од 2017 година, на градската плажа има спасувачки екипи.
Ова лето, службата за спасување не работи.