Македонија

Кампања на Ветвендосје во Скопје и Тетово спроти косовските избори на 28 декември: поддршка од лидерите на Вреди Меџити и Касами

Потпретседателот на косовската партија Движење Ветвендосје (Самоопределување) Глаук Коњуфца одржа вечерва собир во Албанскиот театар во Скопје, спроти новите парламентарни избори во Косово, кои ќе се одржат на 28 декември 2025 година.

2 минути за читање

 Во својата информација со наслов „Движењето Ветвендосје со кампања и во Скопје – собир на Коњуфца вечерва во Албанскиот театар“ информативниот портал на албански јазик „Фол“ од Скопје објави: „Коњуфца одржа собир вечерва во Скопје, заради информирање на членството и поддржувачите на Ветевендосје во С.Македонија, но и заради нивно сензибилизирање.“

Изет Меџити, градоначалникот на Чаир и лидер на Демократското движење, од коалицијата Вреди, вечерва објави на својот фејсбук-профил: „Вечерва се собравме на вонреден митинг, за да го поддржиме Движењето Ветвендосје и неговата визија за посилно Косово, како и за една влада, која работи за граѓаните. На овој митинг бевме заедно со потпретседателот на Движењето Ветевендосје и кандидат за пратеник Глаук Коњуфца, како и со лидерите на Вреди Билал Касами, Беким Сали, Беким Ќоку и Арбен Фетаи. Во салата, преполна со граѓани, се почувствува моќта на единството и духот на големата победа, што се приближува на 28 декември. Вечерва бевме заедно за иднина, во која секој граѓанин има глас и можност и во која Косово оди напред со надеж!“

На 22 декември 2025 година во кампањата на косовската партија Ветвендосје во Македонија со своја поддршка за неа спроти косовските парламентарни избори се вклучи и Билал Касами, градоначалник на Тетово и лидер на партијата Беса, од коалицијата Вреди. Придружуван од заменикот-градоначалник на Тетово Алби Ќамили и организацискиот секретар на Беса и пратеник во македонското Собрание Аднан Азизи, Билал Касами во просториите на општина Тетово се сретна тогаш со кандидатот за пратеник од редовите на Ветвендосје Абдулах Клинаку.

Информативниот портал на албански јазик „Фол“ објави: „На оваа средба се разговараше за изборите во Косово и други прашања.“

На својот фејсбук-профил истиот ден, на 22 декември, Билал Касами објави: „Со Абдулах Клинаку споделуваме исти мислења за многу јавни прашања. Убеден сум дека како пратеник на Движењето Ветвендосје во идниот состав на Собранието на Република Косово Клинаку ќе биде важен глас за косовското општество, за нашите заеднички вредности, но и мост на соработка со институциите на нашата земја. Абдула Клинаку се натпреварува со број 73 на листата на Ветвендосје на парламентарните избори на 28 декември. Им посакуваме нему и на Ветевендосје многу успех на изборите во недела!“



Поврзани теми:

парламентарни избори во Косово|предизборна кампања во Македонија|градоначалник на Чаир и лидер на Демократско движење|градоначалник на Тетово и лидер на Беса|актуелно|Билал Касами|Изет Меџити|Албин Курти|Ветвендосје (Самоопределување)

Повеќе на оваа тема:

Најнови вести од: Македонија

Повеќе од 16.000 граѓани ја напуштиле држават апреку „Богородица“ и „Табановце“

Продолжениот викенд по повод празникот Велигден го зголеми метежот на граничните премини во земјава, а најголем метеж е забележан на премините Богородица и Табановце, каде во изминатите 24 часа поминале повеќе од 16 илјади патници, информираат од Министерството за внатрешни работи.

Лога се обидува да ѝ „држи“ на Сиљановска-Давкова, претседателката на РМ и уставно-правен експерт, „јавно предавање“ за правосудниот испит и за непостојната „државотворност на албанскиот народ“?!

„Синоќа во емисијата на ТВ 21 Сиљановска се обиде да ги избегне дискусиите и да ги изигра фактите поврзани, со правосудниот испит, изнесувајќи и неколку ставови, кои веќе се надминати како проблематика. Постои суштинска разлика, што оваа политичка класа со југословенско наследство, претставувана од Сиљановска, треба да ја разбере: албанскиот јазик не е ‘малцински јазик’, како што таа ‘погрешно’ го претставува во континуитет, туку е јазик на околу една третина од населението во оваа држава и на еден од државотворните народи, заедно со македонскиот народ.“ – наведува поранешниот министер за правда од ДУИ Кренар Лога, кој со оваа објава преку фејсбук, всушност, се обидува да ѝ „држи“ на претседателката на Република Македонија и уставно-правен експерт проф.д-р Гордана Сиљановска-Давкова “јавно предавање“ за правосудниот испит и за „државотворноста на албанскиот народ“ (?!), иако таква „државотворност“ не постои како уставно-правна категорија во македонската држава, зашто во неа единствено државотворен народ е само македонскиот народ! Неприфатливоста на интонацијата на Лога е и поради тоа што тој недолично фактички ѝ ја игнорира функцијата претседателка на Република Македонија на Гордана Сиљановска-Давкова и ѝ се обраќа само само по презиме.

Николовски: Од септември Скопје ќе ги добие првата делница од Градскиот воз и првите 30 нови автобуси

Од септември Скопје ќе ја добие првата делница од Градскиот воз од Зелениково до транспортниот центар, како и првите 30 нови автобуси доколку успешно заврши јавната набавка по Велигденските празници, истакна во вчерашното гостување во “Само Интервју”, заменик претседателот на Владата и министер за транспорт Александар Николоски.

МВР во акција: за 24 часа приведени 10 возачи!

Во текот на изминатото деноноќие на целата територија на државата, полициските службеници лишија од слобода десет возачи за безобѕирно управување возило, од кои по четворица управувале возило без возачка дозвола и под дејство на алкохол, еден во спротивна насока и еден и покрај тоа што имал активна забрана, информираат од Министерството за внатрешни работи.

Хоџа: „Албанија го поддржува студентскиот протест во Скопје и бара да не се оспорува уставното право на употребата на албанскиот јазик во РСМ“

„Ферит Хоџа, министерот за Европа и надворешни работи во Владата на Албанија, денес на прес-конференција истакна дека треба да има решение за студентите-Албанци во С.Македонија, кои бараат да полагаат правен испит на својот албански јазик, бидејќи, според него, албанскиот јазик е уставно и неоспорно право.“ – објави информативната агенција на албански јазик Илирија-ИНА.
Сите вести од Македонија

Најнови вести

To top