Една од најкритичните сообраќајни точки во главниот град е на влезот на трговскиот центар ,,Ист Гејт” каде секојдневно спротивно на сообраќајните прописи се паркираат десетици таксисти.
Овие таксисти не се диви, тие се веројатно со потребни лиценци и дозволи за вршење такси превоз но се однесуваат прилично диво.
Поради хаосот што го прават таму се создава огромен метеж од возила особено во критичниот период меѓу 15 и 17 часот.
Дополнително, начинот на кој се паркираат е опасност за другите возачи на моторни возила, пешаци и лица кои се возат со мопеди.
На потег се сообраќајните полицајци кои го контролираат сообраќајот во овој дел на Скопје но и сите други владини, скопски и општински институции кои мора да го решат хаосот пред Ист Гејт кој трае од кога е отворен овој трговски центар.
Од видеото јасно се гледа за каков хаос во центарот на Скопје се работи
Ќе се најде ли јунак да ги тргне ,,Дивите" таксисти пред Ист Гејт?#ДивоПаркирани#Македонија#Macedonia#ПомоќниОдНато pic.twitter.com/YwfjfLJ9up
— ФактЧекериБезПари (@ChekerBezPari) April 23, 2026