Менди Ќира обвини дека коалицијата Национална алијанса за интеграција (НАИ) на ДУИ и Али Ахмети, советничката листа на поранешниот градоначалник Рамиз Мерко и СДСМ создале тајна коалиција, со цел да ги блокираат седниците на Советот на општина Струга и да го парализираат функционирањето на општинските институции. Ова го објави информативниот портал на албански јазик „Струга експрес“.
Според Ќира, овие постапки им нанесуваат директна штета на интересите на граѓаните и го спречуваат остварувањето на важните проекти на локално ниво. Тој нагласи дека, и покрај блокадите, постои јасно решение за надминување на ваквата ситуација. „Ако продолжат со овие блокади и намерните попречувања, тогаш одговорот ќе им дојде од граѓаните на предвремени избори за Советот на општината Струга.“ – предупреди Менди Ќира.