Велешкиот суд се уште не ја објавува пресудата од која може да се види кој/а е судиј(к)ата што го пуштила на условна слобода убиецот на велешанката Росица и нејзиниот татко.
Иако засега непознатиот судија во Велешкиот суд можел да го осуди убиецот на максимални 5 години и 6 месеци затвор за две кривично дела убиецот добил само условна осуда по што ги убил Росица и нејзиниот татко.
Убиецот бил прогласен за виновен по кривично дело Загрозување на сигурноста од чл.144 ст.3 в.в.ст.1 од Кривичниот законик и за кривично дело Насилство од чл.386 ст.3 в.в. ст.1 од Кривичниот законик.
За второто дело максимална затворска казна е до 5 години а за првото казната може да биде од парична до шест месеци.
Доколку судијата соодветно ја проценил ситуацијата и веднаш го испратил убиецот во затвор Росица и нејзиниот татко можеа да бидат живи.
Судот наместо со оглед на состојбата веднаш да преземе мерки и убиецот да биде веднаш затворен добил изречена алтернативна мерка условна осуда.
Нему му била утврдена единствена казна затвор во траење од 1 (една) година и 4 (четири) месеци и истовремено се определува дека утврдената единствена казна затвор нема да се извршува доколку обвинетиот во времето од 3 (три) години од правосилноста на пресудата не стори ново кривично дело.
Зошто судијата знаејќи дека дека убиецот преходно не ги почитувал мерките кои му забранувале да комуницира со Росица, сепак не се одлучил за пресуда со која ќе ги спасел Росица и нејзиниот татко од смрт, засега не е јасно.