Непознати лица ги уништуваат информациите што на скопските споменици ги става активистката Изабела Левенска Миљаниќ.
Активистката преходно објави дека волонтерски на спомениците во Радосниот парк става таканаречени QR кодови преку кои со мобилен телефон може да се добијат податоци за авторот и делото на поставката.
Информациите се подготвени во консултација со експерт и не го нарушуваат делото туку само даваат податоци за тоа кој го создал и што е неговото значење.
Утрово волонтерката видела дека некој намерно ги вади кодовите од спомениците.
,,Денес бев поканета од Сител ТВ да снимам прилози за моите иницијативи.
Отидов порано во обиколка на паркот за да проверам од кои скулптури ги одлепиле налепниците со QR кодови.
Сите налепници беа извадени..”, пишува Изабела Левенска Миљаниќ волонтерката која на социјалната мрежа Х поранешен Твитер има профил со име @ЈасНеСум.
Иако е разочарана таа не се откажува и најавува дека ќе продолжи да става налепници за граѓаните да знаат за кои дела се работи и кои се авторите на скулптурите.
На обвинувањата дека така може да ги оштети делата вели дека тоа не е можно затоа што QR кодовите се ставаат на места од постаментите кои не се дел од уметничките дела.
Предходно истата волонтерка изготви платформа на која може да се најдат податоци за голем број споменици во Скопје од кои огромен дел веќе не се познати за јавноста.
Некои од спомениците за кои има податоци се од најдобрите македонски скулптори.
Линк до платформата
https://x.com/jas_sme_/status/1921475702412431851?t=ZZfiduOtZ52vIuOSLxQi6w&s=19
Дебатата за оваа граѓанска активност на овој линк
https://x.com/jas_sme_/status/1953060807492751674?t=c7Re7RlD2ErZiWhZtaOUqg&s=19