Македонија

Комерцијална банка со значајни олеснувања за клиентите

Банката до 66% ќе ги намали голем број од надоместоците за платежни услуги за физички лица

Комерцијална банка донесе одлука за измени во својата Тарифа, имајќи го предвид променетиот тарифен модел на Народната банка на Македонија, со што значително ги намали надоместоците на услугите за граѓаните и компаниите, соопштуваат во Пи-Ар објавата..

Со цел да обезбедиме поголемо корисничко задоволство и да ја поттикнеме финансиската инклузија, од 1 октомври ги намалуваме надоместоците за платежни услуги за физички лица и до 66%, а дел од нив целосно ги укинуваме.

Со овие измени Комерцијална банка значајно го олеснува користењето платежни сметки, банкарски картички и електронско банкарство, како и вршењето трансфери на средства.

Целосно ќе се укинат дел од надоместоците за физички лица. Кредитните трансфери во интерен платен промет кон платежни сметки на физички лица преку електронско банкарство (Интернет банка и мБанка) и натаму остануваат без надомест, а отсега без надомест ќе бидат и трансферите преку електронско банкарство кон платежни сметки на правни лица во Банката. Се укинува и надоместокот за повлекување готовина од платежна сметка во девизи и од неорочени штедни депозити во девизи на резиденти физички лица.

Како лидер и носител на најновите трендови во дигиталното банкарство во земјава, Банката одлучи електронското банкарство за физички лица да го овозможи без надомест за клиентите што ќе изберат некој од КБ пакетите. Исто така, со новите услови наместо досегашните три, физичките лица месечно ќе имаат 10 бесплатни проверки на состојба со дебитна картичка на банкомат. Стандардните дебитни картички за приматели на плата и пензија и натаму остануваат без надомест, а водењето платежна сметка за физички лица, како и до сега, ќе се наплаќа само доколку клиентот има активност во тековниот месец.

Воедно, Банката до 66% ќе ги намали голем број од надоместоците за платежни услуги за физички лица. Намалувањето се однесува на најразлични услуги поврзани со секојдневното финансиско работење на граѓаните:

  • Кредитен трансфер преку шалтерите на Банката кон платежни сметки на физички и правни лица во Банката – намалување во просек за 66%
  • Кредитен трансфер преку шалтерите на Банката кон сметки во други банки преку КИБС – намалување во просек за 55%
  • Кредитен трансфер преку електронско банкарство кон сметки во други банки преку КИБС – намалување во просек за 35%
  • Кредитен трансфер преку шалтерите на Банката кон сметки во други банки преку МИПС – намалување за 64%
  • Кредитен трансфер преку електронско банкарство кон сметки во други банки преку МИПС – намалување за 50%
  • Месечен надомест за одржување платежна сметка со основни функции – намалување за 41%
  • Месечен надомест за користење електронско банкарство (Интернет банка или мБанка) –намалување во просек за 45% и ќе се наплаќа само доколку клиентот ја користи услугата во текот на месецот
  • Месечен надомест за користење КБ пакети – намалување во просек за 43%
  • Повлекување готовина со дебитна картичка од банкомат на друга банка во земјата – намалување за 40% кај минималниот надомест.
  • Уплата во готово преку МИПС – намалување за 62%
  • Повлекување готовина од платежна сметка во денари и од неорочени штедни депозити на резиденти преку шалтерите на Банката – намалување за 66% кај минималниот надомест.

Овие нови поволности се дел од посветеноста на Банката кон креирање уште поефикасни и подостапни лични финансии за сите граѓани – без разлика на возраста, местото на живеење или технолошката подготвеност.

Истовремено, Банката донесе одлука за укинување на надоместокот за кредитни трансфери од сметки на правни лица кон други сметки во Банката, извршени преку електронското банкарство.

Извршени се и намалувања на надоместоците за кредитни трансфери од сметки на правни лица кон сметки во други банки преку платните системи КИБС и МИПС, со намалување и до 30% на трансферите извршени преку електронското банкарство.

Овој потег на Комерцијална банка е израз на мотото „Полесно е заедно“, во кое длабоко веруваме. Како системски значајна банка која ја има довербата на над 300.000 клиенти физички лица со активни сметки и над 23.500 компании со активни сметки, Комерцијална банка останува доследна на својата мисија да обезбедува иновативни, пристапни и кориснички ориентирани финансиски решенија, кои го олеснуваат секојдневието на луѓето и придонесуваат кон успешен и напреден економски систем.

Повеќе детали за намалувањата на надоместоците за физички лица кои ќе важат од 1 октомври се достапни на следниот линк.

Деталите за намалувањата на надоместоците за правни лица, кои исто така ќе важат од 1 октомври, се достапни на следниот линк.

Најнови вести од: Македонија

Жестокиот критичар на великобугарскиот шовинизам Мито Хаџивасилев-Јасмин (21.12.1922-1.8.1968): Македонците не можат да бидат асимилирани поради нивната јасна македонска национална свест!

Мито Хаџивасилев-Јасмин е многу повеќе од новинар и публицист: тој е директен учесник во македонската Народноослободителна и антифашистичка борба во Втората светска војна. Преку своите текстови кристално јасно ги заштитува македонските национални и политички интереси. Се пројавува како застапник на македонските национални особености и како критичар на сите националистички и шовинистички активности против македонскиот народ.

„Бледскиот договор“ од 1947 е одговорот на сите спорови, кои ги покренува Бугарија денес кон Македонија, затоа треба да се бара негово почитување!

По потпишувањето на „Бледскиот договор“ во 1947 меѓу Југославија и Бугарија започнува да пулсира македонското чувство меѓу Македонците во Пиринска Македонија, но по неговото еднострано раскинување од страна на Софија во 1949 тоа македонско чувство замира… Продолжуваат жестоките настојувања на Софија за асимилација на на Македонците во Пиринска Македонија и негирањето на македонскиот јазик, идентитет и историја.

Безбедносната состојба е под контрола а пожарите се гаснат – заврши состанокот на Советот за безбедност

Од воведните излагања и од средбата заклучокот беше дека, сепак, регионалната безбедност е стабилна и под контрола и во земјава и не се очекуваат некакви безбедносни проблеми и дилеми

Николоски: Очекувам коридорот 10-д да биде алтернатива за сите патници од Виена до Атина

Со одлична динамика се одвива изградбата на автопатот од Прилеп до Битола, а очекувањата се оваа автопатска делница од коридорот 10 -д да биде целосно завршена до крајот на 2027 година

To top