Македонија

Кос не би ѝ понудила на Македонија статус на придружна членка на ЕУ како на Канада

Еврокомесарката вели дека би сторила сè Македонија, БиХ и Косово да станат полноправни членки на Унијата

Еврокомесарката за проширување Марта Кос не би им понудила статус на придружна членка на Европската унија на три земји од Западен Балкан закочени во евроинтеграцијата – Македонија, Босна и Херцеговина и Косово, како привремено решение.

„Не, не би се занимавала со тоа бидејќи има разлика. Станува збор за земји-кандидатки, кои од различни причини се на различно ниво во пристапниот процес, а едната од нив сè уште нема ни кандидатски статус. Како еврокомесарка и како човек што доаѓа од овој регион на поранешна Југославија, сметам дека е важно да ги интегрираме сите нив во Европската унија. Една од најголемите грешки од минатото е што не успеавме веќе да го направиме тоа во минатото. Денес ја плаќаме цената за тоа. Според тоа, сè додека тие се држави-кандидатки, би направила сè што можам за тие да станат полноправни членки на Европската унија“, одговори Кос на прашање од косовски новинар.

 

Најнови вести од: Македонија

Мелбурн ѝ се извини на македонската заедница за забраната на сонцето од Кутлеш

Градските власти на Мелбурн ја признаа грешката по независна анализа на одлуката со која македонските учесници беа спречени да го носат знамето на фестивалот Мумба. Во март годинава градот Мелбурн им наложил на македонските учесници на овој фестивал да го користат само државното знаме на Македонија.

To top