Македонија

Измени на Законот за возила : Полицијата со еден клик ќе проверува регистрација, осигурување и исправност на возилата

Ова е дел од измените на Законот за возила што ги предложи Владата, а кои веќе се пред пратениците

Со новиот електронски систем надлежните органи ќе можат со еден клик да проверат дали возилото има важечка регистрација и осигурување, дали е технички исправно и колку загадува. Ова е дел од измените на Законот за возила што ги предложи Владата, а кои веќе се пред пратениците.

Сите возила ќе добијат налепници со идентичен изглед, без јавно видливи податоци за сопственикот. Еколошката категоризација останува поделена на зелена, жолта и црвена, според стандардот и измерените издувни гасови.

За отстранување, оштетување, преправање или префрлање на налепницата на друго возило е предвидена казна од 500 евра.

Зелената категорија ќе ги опфати возилата со „Еуро 5“ и повисок стандард, електричните и хибридните, како и одредени „Еуро 3“ и „Еуро 4“ модели со плин или опрема за намалување на емисиите. Жолтата е наменета за „Еуро 3“ и „Еуро 4“, а црвената за „Еуро 2“ и пониски стандарди.

Категоризацијата ќе ја вршат овластени технички служби, а трошокот ќе го сноси сопственикот. Нова обврска е пријавување на промена на телефон или е-адреса најдоцна во рок од три дена – во спротивно следува глоба од 100 евра.

Регистарот на возила ќе биде проширен со податоци за километри, издувни гасови, осигурување и промени на сопственост. Нотарите ќе мора да ја евидентираат промената истиот ден.

Станиците за технички преглед ќе бидат под построг надзор – при неправилности може да добијат забрана од 30 дена, а потоа и одземање на овластувањето. Казните за фирмите може да достигнат до 10.000 евра.

Предвидена е и можност за регулирање на статусот на трактори, приколки и други приклучни возила што досега не можеле да се регистрираат.

Најнови вести од: Македонија

Мелбурн ѝ се извини на македонската заедница за забраната на сонцето од Кутлеш

Градските власти на Мелбурн ја признаа грешката по независна анализа на одлуката со која македонските учесници беа спречени да го носат знамето на фестивалот Мумба. Во март годинава градот Мелбурн им наложил на македонските учесници на овој фестивал да го користат само државното знаме на Македонија.

Студентите се враќаат во „Кузман Јосифовски – Питу“, домот се отвора за еден месец

Владата и студентските претставници разговараат за промена на досегашниот начин на субвенционирање. Предложениот модел предвидува зголемување на месечната поддршка од досегашните 3.500 на 4.500 денари, воведување посебна дигитална услуга преку платформата „М-услуги“, како и дополнителни попусти при купување храна во вклучените угостителски и трговски објекти.

Македонија планира инвестиции од пет до шест милијарди евра во патишта и во железници

На форумот се разговараше и за примената на вештачката интелигенција и современите технологии. Николоски посочи дека со измените на Законот за јавните набавки се предвидува воведување дигитални алатки и решенија базирани на вештачка интелигенција за автоматизирано следење на постапките и откривање неправилности и ризици.

Силјановска-Давкова: Ние сме рекордери во промената на Уставот, за три децении 36 пати!

Уставот е закон над законите и најважниот општествен договор – истакна денеска претседателката Гордана Силјановска-Давкова на отворањето на научната конференција по повод 35-годишнината од осамостојувањето и донесувањето на првиот Устав на Република Македонија. Конференцијата е во организација на Собранието, ЈНУ Институт за национална историја и Државниот архив.

Христовски: Мала е опасноста од терористички активности во Македонија

„Мала е опасноста од од терористички активности во Република Македонија, каква што е подолго време наназад, и покрај глобалните трендови на зголемување.“ – изјави денеска директорот на Агенцијата за национална безбедност Бојан Христовски, откако беше запрашан за состојбата во Македонија, поврзано со повикот на американската амбасада во Бугарија до своите граѓани за внимателност во Бугарија.

„Рамковниот“ и „преспанскиот инженеринг“ на Уставот од 17 ноември 1991 со 36-те амандмани за 35 години целосно ја урнисаа македонската „уставна приказна“ (4)

Првиот устав на независна Македонија од 17 ноември 1991 година е од редот на така наречените „национални устави“. Во најголемиот број негови суштински елементи тој беше на исто ниво и содржински и во поглед на содржаните принципи како и 165 од вкупно 189 национални устави во светот. Во изминатите 35 години до денес извршени се осум пати дури 36 амандмански  интервенции во уставот, од што двапати во преамбулата, во 2001 и 2019 година:  никаде во ниеден устав на ниедна држава во светот не се вршени упаѓања во преамбула со амандмани. Ова што се случувало со македонскиот устав од 1991 година. по барање на Грција во 1992 година, потоа „рамковниот инженеринг“ во 2001 година и бришењето на националниот, асномски карактер на Македонија како држава, па „преспанскиот инженеринг“ и бришењето дури и името Македонија на државата со амандмани во преамбула, сето тоа доволно јасно говори каков е сегашниот устав. Тој е сега идентитетски обезличен, со избришана државотворност на македонскиот народ и на неговите врски со матичната држава, за која војувал, со присилно „ампутирани“ врски и со Македонците во соседните држави како тамошни малцинства.

АНБ: Криминални структури подготвувале атентат во соседна земја

Станува збор за лица етаблирани во криминални структури во земјава кои по директни насоки на иранскиот државјанин преземаат подготвителни логистички активности за извршување на терористички акт, атентат врз претходно дефинирано лице, во Грција

To top