Еврокомесарката за проширување Марта Кос кусо одговори на констатацијата на бугарски европратеник околу интеграцијата на Македонија во Европската Унија.
„Се надевам дека новата влада во Бугарија ќе ни помогне да ги започнеме преговорите со Северна Македонија за пристапување во ЕУ“, е коментарот на Кос на обраќањето кон неа од Петар Волгин од ултранационалистичката Преродба: „Се чини дека земјата ја доведува во прашање преговарачката рамка договорена од земјите-членки во 2022 година. Ова покренува сериозни сомнежи за посветеноста на Северна Македонија да ги почитува договорените услови“.