Македонија

Кујната во Студентскиот дом „Тетово“ не е функционална, заборавиле да направат вентилација

Државниот завод за ревизија (ДЗР) во својот последен извештај за Министерството за образование и наука (МОН) констатира низа недостатоци во управувањето со буџетските средства и проектите.

2 минути за читање

Државниот завод за ревизија (ДЗР) во својот последен извештај за Министерството за образование и наука (МОН) констатира низа недостатоци во управувањето со буџетските средства и проектите.

Кујната во Студентскиот дом „Тетово“ не е функционална поради пропуст во планирањето – отсуство на вентилација, што ја прави набавената опрема неупотреблива. Овој дел од објектот, за чија изградба се потрошени 3.450.000 евра, не може да се користи за предвидената намена.

Ревизорите дадоа неповолно мислење за финансиските извештаи на основниот буџет на МОН, како и за усогласеноста со законската регулатива, упатствата и воспоставените политики.

Извештајот покажува дека МОН повеќе од една деценија не презел мерки за наплата или отпишување на побарувањата од студентски кредити доделени помеѓу 1998 и 2010 година, во вкупен износ од околу 18 милиони евра.

Во однос на програмите за изградба и реконструкција на основни и средни училишта во 2023 година, ДЗР утврди дека тие се реализирани без јасно дефинирани цели, приоритети и индикатори за успешност. Исто така, не биле утврдени критериуми за распределба на буџетските средства ниту за избор на проекти за изградба и реконструкција на училишни објекти.

За стипендиите за студенти запишани на некој од првите 100 светски универзитети, во 2023 година се исплатени речиси 3 милиони евра. Сепак, не постои систем за ангажирање на овие студенти по завршувањето на студиите, што го доведува во прашање ефикасното користење на средствата. Дополнително, исплатите биле повисоки поради примена на девизниот курс од денот на исплата, наместо од денот на објавување на конкурсот.

Ревизијата го опфати и проектот за превод на 500 стручни и научни книги и учебници од врвни универзитети во САД, Англија, Франција и Германија. За овој проект, од 2012 до 2021 година, се потрошени околу 12.250.000 евра. Книгите не се доставени до државните органи, не се води евиденција за нивниот прием и издавање од магацин, а дел од нив се оштетени поради несоодветно складирање.

Поврзани теми:

Студенски дом|Министерство за образование и наука|Весна Јанвеска|Студенски дом Тетово

Најнови вести од: Македонија

Ристески: Дигитализација и иновациите во производствените капацитети се неопходни за компаниите да опстанат и да бидат конкурентни на меѓународниот пазар

Годишната индустриска конференција „MANUFACTURING 2026 – Трансформација кон иновации“ е во организација на Македонското здружение на металната и електроиндустријата (MAMEI), Стопанската комора на Македонија и Европскиот дигитален иновациски хаб – ДигитМАК

Туристички бум во Турција: Рекордни приходи од туризмот од 51,3 милијарди долари во првите девет месеци од годинава

Вкупниот број посетители во Турција во наведениот период достигнал 49,1 милион. Руската Федерација со 5,70 милиони посетители, Германија со 5,17 милиони и Обединетото Кралство со 3,20 милиони посетители останаа трите најголеми туристички пазари за земјата.

Ѓуров и Јотова бараат примена на „Францускиот предлог“, што е негирање на македонскиот јазик и Македонците, кои во 1890 бараа од Цариград негова употреба!

На 29 октомври во завршната дебата на Бугарската национална телевизија пред одржувањето на вториот круг на претседателските избори во Бугарија на 1 ноември 2026 година Андреј Ѓуров и Илијана Јотова, двата кандидата за претседател на Бугарија, го повторуваат барањето да се внесат Бугарите во уставот на Македонија. Едновремено тие бараат и „целосна примена“ на злогласниот „француски предлог“ и „Вториот протокол“, со кои во најдиректна смисла официјална Софија бара Македонија „да признае и да прифати“ дека „македонскиот народ и јазик имаат бугарски корени“. Јотова уште сево ова го нарекува „европска политика. И Ѓуров и Јотова се во жесток судир со реалноста и со историјата. На 30 октомври 1890 година Македонците од Охрид испраќаат официјална молба до Високата порта во Цариград. Во оваа молба, македонските првенци експлицитно бараат дозвола за основање македонски училишта во Охрид и околината, во кои наставата ќе се изведува на македонски јазик. Ова е еден од најважните документирани јавни прогласи од XIX век каде што јасно се дефинира засебноста и автентичноста на македонскиот јазик, независно од пропагандите на соседните држави.

(Фото+Видео): Нова авиолинија Скопје-Тиват, наскоро директно од Скопје до црногорското приморје

Станува збор за реализација на договореното при неговата претходна посета на Подгорица, нагласувајќи дека новото авиоповрзување ќе има значење за зголемување на размената меѓу двете држави.

Пријавете се на работилницата на „Реплек“ со Марко Пејчиновски: „РЕсет за внатрешна сила. РЕсет за добросостојба“

Овие иницијативи се надополнување на бројните активности што компанијата континуирано ги реализира за своите вработени во рамките на платформата РЕсет, со цел поттикнување здрави животни навики, личен развој и целокупна добросостојба.

Мицкоски: Очекувам победа на ВМРО ДПМНЕ во Брвеница! Да се гласа не за етнички поделби, туку за подобар живот во Македонија!

Денеска ќе имаме завршно обраќање пред жителите на Брвеница. ВМРО-ДПМНЕ во секоја кампања влегува со цел да победи, така и во оваа кампања во Брвеница, во вториот круг. Во првиот круг имавме најмногу гласови, речиси 3000, очекуваме тој број на гласови да го зголемиме. Очекувам победа на ВМРО-ДПМНЕ и Коалицијата – изјави денеска премиерот и лидер на владејачката македонска партија Христијан Мицкоски одговарајќи на новинарско прашање во однос на вториот круг за избор на градоначалник на општина Брвеница.
Сите вести од Македонија

Најнови вести

To top