Македонија

Ќулафкова: Стана „престижно“ да се омаловажува Делчев, но тој беше важен чинител за политичкото созревање на македонската нација и за слободата на Македонија!

„Стана ‘престижно’ да се омаловажуваат македонските историски личности, вклучително и Гоце Делчев. Историската свест како да е ставена на операционен стол за ампутација на чувствителните делови, а нив ги има. Да кажат тие пациенти која нација – држава во Европа и Азија е создадена без контакт на историското со митското време? Секоја култна историска личност прераснува во мит. Митот тешко се претвора во историја, но и тоа се случува. Гоце е и историски факт, но и култна личност е, затоа што со својата дејност за слобода и самостојност на Македонија и Македонците бил важен чинител на политичко и револуционерно созревање на македонската нација.“ – реагира академик Катица Ќулафкова преку својот фејсбук-профил.

2 минути за читање

Натаму Ќулафкова истакнува: Во исклучително тешки општествени околности, при услови на култура на предавства меѓу Македонците, за време на својот краток живот, убиен, жртвуван, тој дал најмногу што можел: станал олицетворение на македонството. И наместо да се релативизира неговиот придонес, треба да се промовира суштински неговото дело како увод во популаризација на една важна епоха за Македонија, Балканот и Европа…

Еден поетски роман добивме од Зоран Спасов Зоф и се вознемирија некои духови. Романите на Димитар Талев, родум од Прилеп, кој ја опева исклучиво Македонија и македонската Идеја, дури и при сета редактура што ја претрпеле (особено биографската повест за Делчев, објавена за прв пат 1948 и политичкиот роман Ви ги слушам гласовите), ја покажуваат јасната хуманистичка и македонска свест на Гоце, а ние не сме ги превеле на македонски. На денешен ден барем нека замолчат современиците, кои самите не знаат што се и кои им се корените, ама им се додворуваат на сомнителните (увезени) политики кои секоја година поткопуваат по некој дел од македонските темели.

Инаку, еве што вели вештачката интелигенција за нациите, митот и историјата: „Да, европските нации се градени врз комбинација од историја, митови и идеализирани настани. Ова е добро документиран феномен во студиите за национализам и историографија. При формирањето на модерните европски држави (особено во 19. и почетокот на 20. век), историските факти често се преплетувале со митски личности, идеализирани настани и „измислени традиции” за да се создаде кохезивен национален идентитет.“ – нагласува во својата објава на општествените мрежи академик Катица Ќулафкова.

Поврзани теми:

топ|академик Катица Ќулафкова|омаловаќување на македонските историски личности и Гоце Делчев|Гоце Делчев како важен чинител за политичкото созревање на македонската нација и на слободата на Македонија

Најнови вести од: Македонија

Ѓорѓиевски: Непозната материја се излева во Вардар, инспекциите се на терен

Град Скопје соопшти дека денеска попладнето добил пријава за непозната материја која од реката Лепенец се влева во Вардар, по што веднаш биле активирани надлежните служби. За ова алармираше градоначалникот Орце Ѓорѓиевски преку својот официјален фејсбук-профил.

Неисправна вода за пиење и во Дворци, општина Пласница – пронајдени цревни бактерии

Месната заедница на село Дворци, населено место во Општина Пласница, известува дека водата во селото е санитарно неисправна за пиење. Оваа констатација, се додава во соопштението е потврдена со Извештај од Центарот за јавно здравје Прилеп, кој утврдил дека водата не е здравствено исправна поради наод на бактерии од цревно потекло и не смее да […]

Шасивари и Османи: Законот за употреба на јазиците мора доследно да се спроведува во сите институции

Министерот за правда Јетон Шасивари оствари работна средба со директорот на Агенцијата за примена на јазикот Гранит Османи, посветена на унапредување на институционалната соработка и доследната примена на Законот за употреба на јазиците.

Агенција за храна и ветеринарство: Водата од валандовскиот водовод повторно да се користи за целосна употреба

Водата од градскиот водовод на Валандово од денес е повторно во целосна употреба во согласност со документот издаден од надлежната Агенција за храна и ветеринарство, со кој се укинува досегашната забрана за пиење на водата – соопшти денеска на прес-конференција градоначалникот на Валандово, Ѓоко Камчев

Муцунски: Протоколите со Софија не се дел од преговарачката рамка, не е одредено кога треба да стапат во сила уставните измени

Министерот за надворешни работи Тимчо Муцунски е дециден дека протоколите со Софија не се дел од преговарачката рамка, а во разговорите со сите три страни од македонската страна се пренесени ставовите за прашањата поврзани со ризиците од билатерализација на евроинтеграциите.

„Вечна слава, претседателе, идеалите твои се заклетви мои“ – Јане Ченто на гробот на прадедото Методија Андонов-Ченто, првиот претседател на Македонија

По повод 69 години од смртта на Методија Андонов – Ченто, првиот претседател на Президиумот на АСНОМ, Јане Ченто објави порака во негова чест, оддавајќи му почит за неговата улога во македонската историја. „Вечна слава, претседателе, твоите идеали се мои заклетви“, напиша тој. На 24 јули 1957 година во Прилеп почина Методија Андонов – Ченто, македонски револуционер и државник, прв претседател на Иницијативниот одбор за свикување на Првото заседание на АСНОМ и борец за правата и слободата на македонскиот народ.
Сите вести од Македонија

Најнови вести

To top