Деканката на Факултетот за музичка уметност – Скопје, Дарија Андовска, со свој став во врска со јавната дебата меѓу кавадаречкиот градоначалник Митко Јанчев и пејачот Спасен Силјаноски околу изборот на (српски) изведувачи на годинашниот „Тиквешки гроздобер“.
„Годинава имав среќа
да поминам неколку часа на плажа во Охрид.
На плажава, освен гужва,
си цепаше Оливер Драгојевиќ и слично,
та не знаеш дали си во Далмација или Македонија.
Си помислив – туууу, па можеше,
ако ништо друго,
бар една песна од Тоше да пуштат.
(инаку ич не сакам музика на плажа,
а ни гужва,
ама така се погоди,
немаше време да се брка друго место)
Не, не е тревата позелена кај комшијата.
Тревата е позелена таму кајшто ја полеваш.
Купувајте македонски производи
#поддршказамакедонскатамузикаиестрада“, напиша Андовска на Фејсбук.