Македонија

Луѓето на СДСМ и ДУИ во судството го спасија Филипче од одговорност за пожарот во модуларната болница

Во секоја држава со нормално судство и обвинителство кое не е во скутот на Заев и Ахмети, Венко Филипче сега ќе беше зад решетки

Луѓето на СДСМ и ДУИ во судството го спасија Филипче од одговорност за пожарот во модуларната болница, со тие кадри нема независно судство, се вели во соопштението од ВМРО-ДПМНЕ од прес-конференцијата на Викторија Андоновска.

Андоновска истакнува дека Венко Филипче како министер за здравство кој ја потпишал спецификацијата за модуларната болница во Тетово е директно одговорен за смртта на 14 луѓе.

-14 луѓе живи изгореа во модуларната болница, а затоа што правеше анекси на договори за 20% повеќе пари, не беше повикан на разговор во обвинителството.

Во секоја држава со нормално судство и обвинителство кое не е во скутот на Заев и Ахмети, Венко Филипче сега ќе беше зад решетки. Но судиите со 2% доверба мораа да ги оправдаат нивните назначувања и да го аболираа Филипче од одговорност.

За да не лежи Венко Филипче, лежат периферни ликови во здравството од тоа време како Етеми и Бесими, директори на Тетовската болница, кои исто така не смееше да бидат осудени со реални казни, за да не пропеат очигледно за нивниот шеф, па добија по неверојатни 1,5 година затвор.

За пожар во болница каде што живи горат 14 луѓе, судиите и обвинителите доделија вкупно 3 години затвор на директорите, а за Филипче замижаа очи, затнаа уши и затворија усти.

Релацијата на одредени судии и обвинители кои сѐ уште работат по насока на СДС и ДУИ, ги оставија криминалците по улиците, а народот без правда.

Потребни се итни реформи во судството и конечно, вистинска правда и одговорност, вели Андоновска на денешната прес-конференција.

Најнови вести од: Македонија

Во недела во Музеј на македонската борба за самостојност концерт на женскиот хор „Фрида“

Во рамки на 25. издание на „Есенски музички свечености“ ќе се одржи концерт на женскиот хор „Фрида од Македонија“ насловен „Фрида Музикотерапија“. Аматерскиот женски хор „Фрида“ е формиран во октомври 2023 година. Основач, раководител и диригент на хорот е Сузана Турунџиева – вокален солист и музички педагог. Хорот функционира во 2 секции/групи составени од по […]

Секој збор може да е казнет – од полноќ почнува изборниот молк за вториот круг

Вечерва на полноќ почнува изборниот молк за политичката кампања за Локалните избори 2025. Молкот, кој почнува вечерва во 0:01 часот, ќе трае до 19:00 часот на 2 ноември, односно денот на изборите во моментот на затворање на гласачките места. За време на молкот медиумите смеат да известуваат за изборите, како и за текот на гласањето, но смеат да објавуваат предизборно рекламирање на кандидатите и нивните партии.

Сиљановска-Давкова: Во мировните преговори со само 7% учество лани жените имаат симболична улога

Родовата еднаквост и зајакнувањето на жените се предуслов за превенција и решавање на конфликтите. Потребно е почитување на основните вредности и принципи преку кои ќе се покаже дека родовата еднаквост не е феминистичка привилегија туку хуманистички императив. Ова беа дел од пораките кои беа испратени на одбележувањето на 25-годишнината од усвојување на Резолуцијата 1325 на Обединетите нации – Жени, мир и безбедност”.

Мециновиќ пред изборникот молк: Од недела повеќе ништо нема да биде исто

Говорејќи за кампањата, Мециновиќ обвини дека на овие избори се случил, како што рече, преседан односно дека јавно бил обелоденет неговиот матичен број, што е кривично дело за кое, како што наведе, правниот тим на Левица веќе се подготвува од понеделник да поднесе тужби и кривични пријави.

To top