Македонија

Љутков: Работата во националните установи воопшто не е добра, реконструираме повеќе театри

Најзагрижувачка е ситуацијата во Народниот театар во Прилеп:  таму веќе работиме на идејното решение. Таму веќе има проект за реконструкција на Центарот за култура со доградба за театар. Но ако почнеме да го правиме тоа, а театарот е затворен, тогаш вработените ќе ги оставиме на улица. Затоа се решивме, заедно со вработените, целосно да го реконструираме стариот театар „Војдан Чернодрински“-Прилеп, кога ќе го завршиме да продолжиме со реконструкција на Центарот за култура. Тоа е најпрактично решение, изјави министерот за култура Зоран Љутков.

2 минути за читање

Театрите се пофалија со зголемени буџети, дел од нив рекордни. Од 2024 година буџетот на Министерството за култура и туризам се зголемува секоја година за минимум 10 проценти, а во сите културни институции буџетите за продукција се зголемени од 50 до 100 проценти. Запрашан што ќе значи ова за публиката, Љутков  одговори: Се случува често да имаме редици пред институциите за продажба на билети, или да имаме институции, каде што се чека по два-три месеци, за да се купат карти. Имаме институции, кои откако ќе го објават репертоарот, следниот ден се распродадени билетите преку интернет. Зголемениот буџет зборува за зголемена, поквалитетна и побогата продукција. Репертоарите ни се полни секој ден на сите национални установи и тоа посебно ме радува, посочи Љутков.

Во врска со условите за работа на вработените во театрите, министерот за култура укажува: Работата во националните установи воопшто не е сјајна. Загрижувачка е. Со години наназад не се инвестирало, претходната Влада воопшто не инвестирала, тоа е факт. До 2016-тата година пак имаме некој напредок, но потоа имаме голем застој. После пожарот во Кочани се преиспитавме да видиме каква е состојбата на сите објекти, згради. Загрижувачки беше фактот дека голем дел од националните установи не исполнуваат минимум услови за продолжување со работа. Кај дел од тие установи обезбедивме веднаш пари, за да ги подобриме условите, одредени беа затворени. Таму веднаш почнавме со изработка на нови проекти, рече Љутков.

Тој посочи дека Турскиот театар е во завршна фаза, исто како и театарот и библиотеката во Тетово.

-Работиме на Универзална сала, театарот во Куманово, се работи и во театарот во Струмица. Најзагрижувачка е ситуацијата во Народниот театар во Прилеп, таму веќе го работиме идејното решение. Таму веќе има проект за реконструкција на Центарот за култура со доградба за театар. Но ако ние почнеме да го правиме тоа, а театарот е затворен, тогаш вработените ќе ги оставиме на улица. Затоа се решивме, заедно со вработените, комплетно да го реконструираме стариот театар „Војдан Чернодрински“-Прилеп, кога ќе го завршиме да продолжиме со реконструкција на Центарот за култура. Мислам дека тоа е најпрактично решение, рече Љутков, дополнувајќи дека таков проект се работи и во Штип, а ќе започне и во Охрид.

„Курир“

Поврзани теми:

актуелно|избор|Министер за култура|загрижувачка ситуација со македонските театри

Најнови вести од: Македонија

ВМРО ДПМНЕ бара оставка од градоначалникот Герасимовски-кадарот на Заев, за да не стане Центар Бангладеш, поради градежни дозволи за СДСМ-фирми!

Го повикуваме кадарот на Зоран Заев, Горан Герасимовски, итно да дојде во Маџир Маало и да објасни според кои прописи се работи тука, А на одење да си даде оставка, повика денеска Диана Ристовска Додевски, членка на Советот на Општина Центар од ВМРО-ДПМНЕ.

Анализи во Бугарија дека „патот на Македонија е под знак прашалник“, ако нема „напредок во работата на историската комисија“ и „исполнување на обврските“!

Историските спорови остануваат најсилната алатка на Бугарија за притисок врз Македонија. Бугарските анализи „предупредуваат дека без напредок во работата на Заедничката историска комисија и исполнување на договорените обврски, европската перспектива на Македонија ќе остане под силен политички притисок“.

Донесени законите за судската и јавнообвинителската служба – значаен исчекор кон зајакнување на нивната самостојност, професионалност и ефикасност

Министерството за правда информира дека Собранието денеска ги донесе Законот за судска служба, еден од најзначајните реформски законски решенија во областа на правосудството усогласен со Реформската агенда и Развојната секторска стратегија за правосудство 2024–2028, како и Законот за јавнообвинителска служба со што се прави значаен исчекор кон зајакнување на самостојноста, професионалноста и ефикасноста на јавното обвинителство. Со донесувањето на Законот за судска служба се надминуваат долгогодишните системски слабости на постојното законско решение и се создаваат услови за поефикасно функционирање на судовите, преку јасно препознавање на специфичната улога на судските службеници во судската власт.

Од 1 јули целосна забрана за движење во шумите низ Македонија

Министерството за земјоделство, шумарство и водостопанство ја известува јавноста дека согласно насоките од Владата како и барањата од корисниците на шумите – ЈП „Национални шуми“ и Националните паркови кои управуваат со заштитените подрачја, даде согласност за воведување на целосна забрана за движење во шумите и шумското земјиште.

Сторители на тешки кривични дела ги изиграле системот и судовите и со коруптивни лажни вештачења за нарушено здравје сместени во психијатриски установи!

Националниот превентивен механизам (НПМ) при Народниот правобранител, при контролата на психијатриската болница „Демир Хисар“ во декември 2025, затекнал 20-ина осуденици сторители на кривични дела кои не се со психичка болест, туку се здрави и пресметливи, но го изиграле системот и судовите преку коруптивни вештачења за нивно наводно нарушено здравје.

Македонија доби пристап до 4,4 милијарди евра од здравствените фондови на ЕУ – можност за приближување до европските стандарди и политики.

Македонија доби пристап до фондовите за здравство од 4,4 милијарди евра на Европската Унија (ЕУ). Министерот за здравство, Азир Алиу денеска кажа дека потпишувањето на Договорот за учество на Македонија во програмата „ЕУ фор хелт“ (EU4Health) е значаен чекор кон натамошно приближување на македонскиот здравствен систем до европските стандарди и политики. Програмата отвора можности за развој на проекти во областа на дигитално здравство, превенција и рана детекција на болести, скрининг-програмите, онкологија, кардиоваскуларно здравје, ментално здравје, подготвеност за здравствени кризи, пристапот до лекови и медицински производи, како и за јакнење на здравствениот кадар.
Сите вести од Македонија

Најнови вести

To top