Македонија

Мајтап со Македонија на исток: „Вториот тим на Бугарија ќе игра со втората Бугарија“?!

„Хумор и сатира“ под најава на Фејсбук-страницата на Бугарската одбојкарска федерација

1 минута за читање

Мала преписка под најавата на официјалната Фејсбук-страница на Бугарската одбојкарска федерација за натпреварот во Софија меѓу Б-тимот на Бугарија и Македонија открива неоткриени „таленти“ за хумор и сатира кај источниот сосед и нивните влажни соништа за македонската држава.

Под насловот „Националниот тим (Б-состав) со официјални контроли против Северна Македонија“ прв се „истакнува“ коментарот: „Тоест вториот тим на Бугарија ќе игра со Бугарија“.

„Вториот тим на Бугарија ќе игра со третиот тим“, реплицира „чешита“ љубителка на одбојката, пред „шампионот на денот“ да ја заокружи трагикомедијата со: „Не, вториот тим на Бугарија ќе игра со втората Бугарија“?!

Неколку часа подоцна Македонија го преслуша Б-тимот на Бугарија со 3:0, а го доби и дополнителниот четврти сет, претходно договорен од селекторите Јошко Миленковски и Франческо Моло.

 

Поврзани теми:

Македонија|Бугарија|одбојка|Софија

Повеќе на оваа тема:

Најнови вести од: Македонија

(Фото): Нема да дозволиме профитерство, рече Мицкоски по средбата со газдите на маркетите

По средбата на претставниците на маркетите и премиерот во Владата е заклучено дека не треба да има ново зголемување на цените. Премиерот порача дека нема да се дозволи профитерство на грбот на граѓаните.

(Видео): Синдикатот за култура со кривична за министерот Љутков – тој пак тврди: Барањата за раст на платите се незаконски

Синдикатот за култура поднесе кривична пријава против министерот за култура, за злоупотреба на службената положба и кршење на правата на вработените. Според претседателката на синдикатот, Вера Атанасовска министерот со инструкции испратени по е-пошта се обидел да ги поткопа правата на вработените и колективните договори. Синдикатот наведува дека повеќе од 800 пријави се поднесени од вработените во културата и дека постојат правосилни судски одлуки во нивна корист.

Николоски од Вашингтон: Разговаравме за економска соработка, енергетската транзиција и изградба на коридори

На средбата со Даниел Лотон, заменик-помошник државен секретар за Европа, беше нагласено силното партнерство меѓу двете земји, засновано на меѓусебна поддршка и споделена посветеност на демократските вредности, како и на создавање подобри перспективи за економска и трговска соработка, соопшти Министерството за транспорт.

Кај судијата Ѓоко Ристов пронајдени судски предмети, кои не ги гибал сѐ до истекување на роковите, најверојатно за да застарат!

Судскиот совет констатира сериозни сомнежи за несовесно и нестручно постапување на судија од Апелациониот суд Скопје, поради неразумно одолжување на судски постапки што довело до апсолутна застареност на предмети. Во извештаите се наведува дека дел од предметите биле чувани во фиока сè до истекување на роковите за кривичен прогон. Иако на седницата не беше јавно посочено името на судијата, досегашните сознанија имплицираат дека е тоа судијата во Апелацискиот суд Ѓоко Ристов. Против него и порано беа поднесувани анонимни претставки до Судскиот совет.
Сите вести од Македонија

Најнови вести

To top