На претставувањето на приоритетите на претседавањето со Советот на Европската унија од Кипар, заменик-министерот за надворешни работи на Бугарија, Николај Павлов, не ја одмина Македонија.
„Бугарија ќе продолжи да има јасна и конзистентна позиција за Република Северна Македонија. Нема дополнителни услови освен спроведувањето на сите аспекти од Договорот за пријателство, добрососедство и соработка“, рече Павлов.
Тој истакна дека обидите за заобиколување на договорот и неговото симулирање ќе доведат до губење на драгоцено време и залудно потрошени вредни можности.