Македонија е на 52. место во конкуренција на 164 земји опфатени со рангирањето за 2026 година според индексот на просперитет што го изработува и објавува Атлантскиот совет.
Од земјите во опкружувањето пред Македонија се само Словенија на 10. место, Грција на 33. и Хрватска на 36., а помалку просперитетни се Црна Гора на 53. место, Бугарија на 54., Србија на 57., Албанија на 64. и Босна и Херцеговина на 87.
Покрај Словенија, во топ-10 се најдоа и лидерот Норвешка, како и Исланд, Данска, Шведска, Ирска, Швајцарија, Белгија, Финска и Холандија по тој редослед.
Фактори земени предвид во изработката на индексот на просперитет се: приход, здравство, образование, еднаквост, околина и благосостојба на малцинствата.