Државјаните на Македонија се позадоволни од својата финансиска состојба од членката на Европската унија, Бугарија, како и од кандидатките за членство Турција, Албанија и Црна Гора, покажува истражувањето на Евростат спроведено во 36 европски држави.
Со средна оценка 5,1 од можните варијабли од 0 до 10, македонските граѓани изразиле поголемо задоволство од сопствената состојба во однос на финансиите од Бугарите, кои се себеоцениле со 4,6, Турците со 4,7, Албанците со 4,8 и Црногорците со 4,9, а тука некаде се и Србите со 5,2 и Грците со 5,3.
Најзадоволни во Ервопа се Холанѓаните и Финците, кои својата финансиска состојба ја оцениле со средна оценка 7,6, потоа Швајцарците со 7,5, Норвежаните и Швеѓаните со по 7,4, Австријците со 7,3, Исланѓаните со 7,2, а во топ-10 се уште Белгијците, Данците и Британците со по 7,1.
Од петте најголеми економии во Европа најмалку задоволни од парите со кои располагаат се Шпанците со 6средна оценка 6,3 и Французите со 6,4.