Македонија

Македонците не си ја продаваат душата за пари, зад нас останаа Италијани, Австријци, Данци…

Македонците покажуваат висока демократска отпорност

1 минута за читање

И покрај честите критики за политичка апатија и поларизација, граѓаните на Македонија демонстрираат една од највисоките нивоа на демократска отпорност во Европа, објави Институтот за демократија.

Според резултатите од престижниот европски проект ENCODE, 80% од македонските граѓани би одбиле паричен надомест за да потпишат петиција спротивна на нивните политички убедувања.

Овој процент е повисок од оној во Италија (79%), Австрија (78%) и Данска (77%), покажува истражувањето спроведено врз 4.550 испитаници во четири европски држави, од кои 581 во Македонија.

Бихејвиоралниот експеримент, презентиран во Скопје од Институтот за демократија „Социетас Цивилис“, покажа дека македонските граѓани се особено отпорни и на друг предлог – 78% одбиле да прифатат пари за да се воздржат од гласање.

Истражувачот Ананд Муругесан од Универзитетот во Виена истакна дека емоционално ангажираните граѓани (со гнев, анксиозност или надеж) покажуваат значително поголема отпорност кон „монетизација“ на своите демократски права.

Процентот кој е даден во оваа анкета е ист со процентот кој е даден и во анкетите за Македонците кои се противат на промена на уставот со цел влез на Бугарите во него.

Фото: Институт за демократија

Поврзани теми:

топ|Продавање душа

Најнови вести од: Македонија

Мицкоски: Ако не се свртиме кон семејните вредности и многудетните семејства економијата ќе биде на удар

Ако не се свртиме кон семејните вредности и кон многудетните семејства и ако тие вредности не ги промовираме, македонската економија ќе биде прва која што ќе биде на удар, истакна денеска премиерот Христијан Мицкоски, коментирајќи ја изјавата на вицепремиерот и министер за транспорт, Александар Николоски дека до 2030 година годишно ни се потребни 50.000 странски работници, за да го држиме нивото на БДП што го имаме сега.

ОКТА продолжува со попуст од два денари по литар дизел гориво

Како одговор на најновите случувања на меѓународните пазари на горива, ОКТА АД – Скопје воведува привремен попуст од 2 денари по литар дизел гориво, со важност од денеска, 20 октомври 2026, до 2 ноември 2026 г.

(Фото): Работна средба за инфраструктурните приоритети на Карпош

Градоначалникот на Општина Карпош, Сотир Лукровски, се сретна со ресорниот министер за транспорт, Александар Николоски, каде беа разгледани тековните инфраструктурни проекти и можностите за нови инвестиции во интерес на граѓаните.

Мицкоски: Усниот дел од правосудниот испит треба да се полага единствено на македонски јазик

Писмениот дел од правосудниот испит да се полага на јазикот на кој е завршено високото образование, а усниот на македонски јазик. Ова е ставот на македонската Влада, кој денеска го соопшти премиерот Христијан Мицкоски, по вчерашното одбивање на ваквиот предлог од студентите Албанци, на средбата со министерот за правда, Јетон Шасивари.

Клековски: Со бугарската министерка се согласивме дека случајот со Ива е правно, а не здравствено прашање

Македонскиот министер за здравство Сашо Клековски изјави дека за време на средбата со бугарската министерка за здравство во Софија била постигната премолчена согласност дека случајот со Ива Михаилова не е прашање од областа на здравството, туку од надлежност на правосудните институции.

Се разгледуваат две локации за новиот Клинички центар во Скопје – вложувања во здравствени објекти во Штип, Тетово и Кичево

Две локации во близина на болницата „8 Септември“ се разгледуваат за изградба на новиот клинички центар во Скопје, а преговорите за изборот на парцелата треба да завршат до крајот на годинава, најави премиерот Христијан Мицкоски. Истовремено, Владата подготвува инвестиции во три здравствени објекти во Штип, Тетово и Кичево, при што реализацијата на првиот проект би можела да започне во летото 2027 година.
Сите вести од Македонија

Најнови вести

To top