„Судии и обвинители како Наќе Ѓорѓиев и Иџет Мемети со само 2 отсто доверба, кои земаат мито и влијаат врз судски пресуди, бараат плати и до 6.000 евра!“ – нагласи Валентин Манасиевски од ВМРО ДПМНЕ во денешната изјава за медиумите.
Натаму Манасиевски истакна: Македонската јавност заслужува да знае кои се овие поединци од судската и обвинителската фела, кои се вмешани во вакви судски пресуди со своите влијанија, а од кои, друга страна, иако имаат само 2 отсто доверба, сакаат зголемување на платите.
Група на поединци како Наќе Ѓорѓиев и Иџет Мемети, тогашни високи функционери во правосудството, беа фатени како земаат мито, за да влијаат врз пресуда во вредност од 10.000 евра, а за ова кривично дело и двајцата се спогодија со судот, односно ја надиграа правдата.
Со кое лице и како очекуваат од народот и граѓаните луѓе како Ѓорѓиев и Мемети да бараат зголемување на и онака високите плати? Како народот да очекува правда, кога истите овие луѓе, кои земаа по 10 тина илјади евра мито, се спогодија со судовите? Како може народот да очекува правда и одговорност кога кој е тој што ја гарантира независноста на оние судии и обвинители кои се спогодиле со Ѓорѓиев и Мемети? Кој гарантира дека нема да влијаат истите и врз некои други предмети? – посочи Валентин Манасиевски од ВМРО ДПМНЕ.