„Денешниот Конгрес на ДУИ беше театар, одржан по изборниот дебакл, во кој никој не беше повикан и од никого не беше побарана политичка одговорност. Наместо размислување конгресниот театар делеше памфлети со ‘големи теми’, за да го прикрие неуспехот, но и уште полошо – да избегне дискусија за суштинското прашање: кој е одговорен за поразот на изборите?!“ – реагираше градоначалникот на Чаир и еден од лидерите на коалицијата Вреди Изет Меџити на својот фејсбук-профил.
Натаму во објавата тој истакнува: Во услови на контроверзен процес на делегирање делегати и без транспарентност за процесот на номинирање и кандидатирање, Конгресот се претвора во фарса, што и беше беше денес.
Без вистинска отчетност и политичка одговорност, реформата е само про форма, додека Конгресот е само куклен театар.