„Вицепремиерот и еден од лидерите на коалицијата Вреди Изет Меџити, како кандидат за градоначалник на општина Чаир во својот говор за време на промотивната конвенција за локалните избори, се изјасни отсечно за идентитетот и политичката линија што ќе ја следи во изборната трка.“ – објави ТВ Шења, известувајќи за вечерашнава изборна конвенција на Вреди во преполната сала „Борис Трајковски“ во Скопје..
Натаму телевизијата наведува: „Ние не сме загари, туку Албанци! Не, ние не сме измеќари, ниту лажговци. Ние сме луѓе со достоинство.“ – нагласи Изет Меџити. Тој нагласи дека неговото однесување и ставови „не се поврзани со скриени интереси, или отстапки што ѝ штетат на заедницата“.
„Ние не сме предавници; ние не го поддржуваме Отворен Балкан, не го познаваме Дака Давидовиќ, не сме продале акции на Српската банка. Не сме донеле српско-руски казина во со Албанци.“ – напомна Меџити на вечерашнава конвенција на Вреди, на која им одговори на нападите на ДУИ и Али Ахмети кон нивната коалиција.