Македонија

Мицкоски: Направете вистински избор за иднината, Македонија беше пред банкрот и распад, но ќе успее со сѐ што правиме и со овој народ!

„Од СДСМ нѐ убедуваат дека криминалот е вредност, распродажбата на националните интереси е патриотски чин, а оти осиромашувањето на народот е успех!“. – нагласи премиерот на Владата на Република Македонија и лидер на ВМРО ДПМНЕ Христијан Мицкоски на вчерашниот митинг во Куманово.

Пред 15 месеци наследивме држава пред банкрот, речиси распадната после се она што го правиме и се она што ќе го направиме Македонија со овој народ ќе успее рече на вечерашниот митинг во Куманово, претседателот на ВМРО ДПМНЕ и претседател на Владата, Христијан Мицкоски.

Тој ги повика граѓаните да направат вистински избор за иднината, да ја поддржат советничката листа предводена на ВМРО ДПМНЕ и актуелниот и иден градоначалник на Куманово, Максим Димитриевски. Претседателот на ВМРО ДПМНЕ рече дека го разбира народот, оптоварен со секојдневни грижи, посочувајќи дека „битката“ заеднички се води, вети работа и силна волја, не чуда.

На митингот во Куманово Мицкоски се обрати и до чесните членови на СДСМ, за кои кажа дека искрено ги почитува и ги повика да се приклучат кон промените, укажувајќи дека знаат дека „раководството е затворен круг, кој наместо да гради иднина, штити бизнис интереси на неколкумина“.

Мицкоски рече дека опозицијата со месеци води кампања дека не растеле платите, а сега самите излегле со математика дека за година дена, платите пораснале за 10, 6 проценти.

„Според нив и неговиот гуру подобро било да имаме 20 отсто инфлација, како што беше во време на Владата на СДСМ и ДУИ, отколку сега кога е под четири проценти, кога е најниска во регионот и една од најниските во Европа. Според него, растот на пензиите од седум илјади денари линеарно за година и половина не било ништо – тоа било залажување за него повеќе биле оние 130, 150, максимум 700 денари кога се покачуваше пензијата во времето на владата на СДСМ и ДУИ“ – посочи Мицкоски.

Тој кажа дека се ова извртените вредности на СДСМ, „да нѐ убедуваат дека криминалот е вредност, распродажбата на националните интереси е патриотски чин, а оти осиромашувањето на народот е успех“. Мицкоски го критикуваше Филипче дека нема „морално и политичко право да зборува за правда“ и дека после овие избори ќе има одговорност.

„И обвинителството и судството ќе мора да поднесат сметка зошто и покрај десетиците, повеќе од стотици случаи, покриени со докази, денеска се наоѓаат и фаќаат прашина во фиоките на неколкумина нивни лакеи и измеќари во обвинителството и судството.“ – предупреди претседателот на ВМРО ДПМНЕ Мицкоски. 

Тој кажа дека после овие локални извори ќе следи смена на тие нивни слуги во обвинителството и оти  правдата мора да ја водат вистински обвинители и судии.

„Убеден сум дека ќе имаме историски најголем резултата во Куманово, рече  Мицкоски и побара поддршка од кумановци за листата на советници, за носителот адвокатот Владимир Михајловски и за коалицискиот партнер, за кандидатот за градоначалник Максим Димириевски. Тој ги повика кумановци да направат вистински избор за Куманово.

Македонска информативна агенција – МИА

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

To top