Македонија

Милошоски: Потребна е искрена и остварлива европска понуда за проширувањето

Во Скопје се одржа панел-дискусија на тема „Од визија до геополитички одговор: Проширувањето на ЕУ во новата геополитичка реалност“, организирана од Вилфред Мартенс центарот и Фондацијата Конрад Аденауер, по повод Денот на Европа 2026 година. На конференцијата со наслов „Седум децении подоцна: Од визијата на Шуман до новите геополитички предизвици на Европа“ поздравно обраќање имаше политичкиот врв.

2 минути за читање

По повод Денот на Европа 2026 година, во панелот учествуваше и потпретседателот на Собранието Антонијо Милошоски, како и амбасадорката на Сојузна Република Германија Петра Дракслер. Во своето обраќање, Милошоски се осврна на процесот на европската интеграција на земјата и пошироката дебата за проширувањето на Европската Унија. Тој се повика и на претходни политички пораки и ставови поврзани со европската перспектива на државата и последователните блокади во процесот.

Милошоски истакна дека во рамки на ЕУ постојат различни пристапи кон проширувањето – од поддршка на сегашниот модел, до концепти за подлабока интеграција со помал број членки, како и пристапи кои проширувањето го врзуваат со пошироки геополитички околности.

Тој нагласи дека Европската комисија не е единствениот носител на одлуките и дека земјите аспиранти имаат потреба од јасна и предвидлива европска перспектива.

  • „Нас ни треба искреност од страна на Европа, а не движечка мета во контекст на процесот на проширување“, порача Милошоски.

Во дел од своето излагање, тој посочи и дека темата за проширувањето е сè помалку присутна во политичките дебати во одредени земји членки.

Во однос на билатералните односи со Бугарија, Милошоски се осврна на долг период без размена на високи парламентарни посети меѓу двете земји, нагласувајќи дека постојат разлики меѓу политичката реалност и духот на договорената соработка. На крајот од дискусијата, тој порача дека земјите од Западен Балкан имаат потреба од конкретни придобивки и практични европски интегративни проекти, посочувајќи иницијативи како СЕПА и „роаминг како дома“ како примери за реална интеграција.

Поврзани теми:

актуелно|еу|Милошоски|ден на европа

Повеќе на оваа тема:

Најнови вести од: Македонија

Гаши: Во трка сме со времето во однос на членството со Европската унија

Претседателот на Собранието, Африм Гаши, на трибина организирана од Европското движење, порача дека сме во трка со времето околу членството во ЕУ и се плаши – дека ќе го изгубиме. Според Гаши, нема никаква корист од изнаоѓање виновници околу блокадата на евроинтеграцијата и тој преферира да најдеме пат, т.е. решение и да стигнеме до целта.

Муцунски: Европските пари и се и повеќе од потрребни на Македонија

Планот предвидува интеграција на партнерите во Единствениот европски пазар, унапредување на регионалната економска соработка, забрзување на реформите поврзани со европските стандарди и зголемување на претпристапната финансиска поддршка. Според Европската Унија, ова треба да придонесе за побрз процес на проширување и економски раст во регионот.

Нова шанса за Македонија: Маѓар и Туск предлагаат „Вишеградската група“ да се прошири со земјите од Западниот Балкан, кои не се уште дел на ЕУ!

Премиерите на Унгарија и Полска предлагаат „нова оска за Европа“ – „Вишеградската група“ плус Западниот Балкан, оние држави, кои уште не се во ЕУ, што е нова шанса за македонската евроинтеграција, бидејќи Македонија токму од „Вишеградската група“ добива најмногу вистинска поддршка не само за влегувањето во „евроклубот“, туку и поддршка, која се спротивставува на „добрососедските“ условувања и уценувања за идентитетско-историски отстапки! Новиот премиер на Унгарија заедно со премиерот на Полска најавија дека ќе дејствуваат како „една тупаница“ во Европската Унија. 

Македонија добива 65,7 милиони евра од ЕУ за развој на државата

Европската комисија одобри 65,7 милиони евра за Македонија во рамките на Инструментот за реформи и раст. Тоа е највисок износ меѓу земјите од регионот во овој циклус на исплати. За споредба, за Албанија се одобрени 49 милиони евра, а за Црна Гора 44,2 милиони евра.

Македонија најнапредна во реформската агенда од сите во регионот, затоа ЕУ ѝ додели најмногу пари – 65,7 милиони евра!

Македонија доби најмногу пари од кандидатите за ЕУ. Европската комисија денес стави на располагање 49 милиони евра за Албанија, 44,2 милиони евра за Црна Гора и 65,7 милиони евра за Македонија од „Програмата за реформи и раст“. Ова следува по третото барање за исплата и позитивната оценка на Комисијата за спроведените реформски чекори во областите на деловната конкурентност и иновациите во Албанија и Црна Гора, како и образованието и дигитализацијата во Македонија. Со ова Европската комисија ја испрати една од најпозитивните пораки за Македонија во последните години, оценувајќи дека земјата покажува сериозен напредок во спроведувањето на реформите поврзани со европскиот План за раст за Западен Балкан. Во документот објавен од Брисел, Македонија практично е издвоена како еден од најподготвените партнери во регионот кога станува збор за исполнување на реформските обврски и користење на европските фондови. Во време кога земјитe-кандидатки за влез во ЕУ се заложници на билатерални спорови, особено Македонија, Европската комисија индиректно порачува дека реформскиот капацитет на Македонија не е спорен.
Сите вести од Македонија

Најнови вести

To top